شنو انت شمالك انت

شنو انت؟
انت ذاك الرسم فوك شفافي بسمه
هم شفت فد يوم واحد عاف شفته؟

شنو انت؟
انت ذاك الصرت للدلال نبضه
هم شفت كلب النسه فد يوم دكته؟

شمالك انت؟
تعوف طيبة ذاك كلبي المشتريك
وعلى ساعه بلحظه ذاك الكلب بعته

شمالك انت؟
لك تعال وخلي ايدك فوك كلبي
واحسب شكم جرح بي انت جرحته

شمالك انت؟
لك تعال وسكت حلوك الشماته
العذبتني مو خلص كلبي بحسرته

شمالك انت؟
صارن الكلمات عندك كالخناجر
تطعن بكلبي واكلك ماطعنته

شمالك انت؟
ورده روحي وانثرتهه بين ايديك
بدل ماتشتم عطرهه الورد دسته

شمالك انت؟
دوختني وعذبتني وجننتني
وبغرامك عقلي من راسي اخذته

شنو انت؟
ياجمال الشايله بوجهك حبيبي
وياحسن حط بيك ربك والحملته