شكالوك عليه وصــــار وهك سيف !!

شكالولك عليه و صار وجهك سيف
و تعرفني التكتلك و الحجي مصدكه

شجره ومو بديه وتدري وكتك ريح
وتحملني ذنب من طيحت وركه

خلك ساتر ولك سويت خلكي وياك
شكد موت وجثث ما ضيكت خلكه

مو من صالحك عالجرف تزرع عود
ماتدري شوكت يفيض ويغركه

ومن شفت الخناجر خذت دور السيف
كلت يا روح صير بهالوكت دركه

وتسألني تكلي شسوه وكتك بيك
شسولفلك شكلك تكتل الحركه

ذبني ببير بيده وكال اكلني الذيب
ورسم للذيب صوره وجثتي بحلكه

وطفاني وعالجمر بجفوفه رش الماي
ورد ينفخ رماد ويا جمر يلكه

مايدري الوكت لو عكس هدة خيل
اليطيح بدربهه اجدامهه تسحكه

ذبحني مناطرك غيمه ومطرهه يطيح
كظت شوغات روحي للهفة الملكه

مثل شبكة مفارك من تجيني بطيف
اسبكنك وافز وكلشي ما الكه

مو ذني تره لبعض البشر مالوك
لأن طبعي صريح وراسي ما دنكه

اللؤلؤ باللظم كلش جميل يصير
بس هو الحجي للركبه التعلكه

انتقاء رائع
سلمت الايادي
مع قادمك ننتظر بشوق
ودي قبل ردي

موضـوعك رااق لــي كثيييرا"
سلمُ لنا هذُآ الذوُوُق ..الذُي يقطفُ لنا..
آجمًل العبارات وٌآروعهـــاآ..||
ماأننحرُم منُ ذآئقتُك الجميلهُ والمميزهُ..
لآحرمنـــآآك...