اهلا وسهلا بكم في منتديات حزن العشاق .. يمنع نشر الأغاني والمسلسلات والأفلام وكافة الصور المحرّمة ويمنع نشر المواضيع الطائفية... منتدانا ذو رسالة ثقافية وسطية

الإهداءات

إضافة رد
 
أدوات الموضوع انواع عرض الموضوع
الہمہايسـہتہرو
قديم 12-12-2012 ~ 03:48 PM
اكبـــر موسوعة من ابو ذيات والدارمي!!
  ãÔÇÑßÉ ÑÞã 1
 
الصورة الرمزية الہمہايسـہتہرو
 
تاريخ التسجيل : Aug 2012
معدل تقييم المستوى : 12
الہمہايسـہتہرو is on a distinguished road


افرح لوشفت وجهك وسر بيه
وحبك بالكلب ثابت وسر
بيهشما طال الدرب امشي وسر بية
وجيب الروح لعيونك هدية

يعلمني زماني ادروس وانسه
وعلى حالي بجن رضعان ونسه
انه الجنت للخوان ونسه
صرت مكروه محد يمر عليه

حبابي شلون حالتكم بعدنه
شبدينه والوگت عنكم بعدنه
أن جان أنتم نسيتونا بعدنه
بذكركم كل صباح وكل مسية

سعيد العيد للوادم ونا لا
سعيد الي حظه بولفه وناله
ميخالف لمحبوبي وناله
لسوي بيه مثل ما سوة بيه

وحك صورة بره وياسين ويهود
وگلبي ما ينام الليل ويهود
صارت حاجتي عد كفر ويهود
لو الاسلام جا حنو عليه

وحك صورة بره وياسين واذر
يسيف جفاك بالدلال واذر
اموتا واحتي واحترك واتذر
جثير اهون من فراكك عليه

حبيبي حنا الودادك ما هملنه
ودمعنة لعد غيرك ما هملنة
والحجاية الألك ما هيمنه
الوشاية عل حجاية تخلي مية

زلفك مسج يا مدلول يوهل
يمن وجهك هلال العيد يوهل
احبك من جنت بالمهد يوهل
دكولي شبدلك يسمر عليه

أزيدك بالجمع وتصير ناقص
ويفيض عليك نهري وانته ناقص
مثلك بالبشر ما شفت ناقص
نذل بذات وأطباعك ردية

يمتة من الحزن نخلص ونخلة
ينخلني الزمن بيده ونخلة
خط اني وفسفورة ونخلة
عراقي وما مزور بالهوية

انه تعلمت على الغدر روحي
وروحي وين ما تردين روحي
أذا طابلج هذا الجسد روحي
ما تلكين شي يرهم عليه

أريد اصعد جبل حمرين واروح
وذبج بنكس الحالات يا روح
حشا لله يخلي الحمل مطروح
سريعة لهفة الباري عليه

أريد اصعد جبل حمرين وحدي
وباري لمحمل الحلوات وحدي
يربي ترضة انام الليل وحدي
ونوم الليل عل واحد خطية

أريد اصعد جبل حمرين منزل
وانيلج بوسط العين منزل
يا بعد رويحتي التصعد وتنزل
دحني يا بعد عمري عليه

عشگتك من زمن بابل وسومر
يبوية شربنة الگريفن وسومر
گلبي من العشك سود وسومر
تالي تخوني وتضحك عليه

أضحي للوطن دمي بلا دين
قسم للحارب بسيفة البلا دين
بلادي وأبد ما تصبح بلا دين
الهور وية الجبل رضعوا سوية

دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة علية

كل سنه بهذااليوم يمنه تسيرون.
بعده الوطن ماطاب خافن تنشدون .
صرتوا بدربنه أشموع بالظلمه تضوون .
وعلمتوا كلهه الناس طبع الوفه شلون .
..............
كلما تمر ذكراك أرجع البيتك .
الوطن لاتنسوه جانت وصيتك .
الوطن ماننساه ولاننسه أسمنه .
لابد يجينه يوم نحقق حلمنه .
الوطن لاتنسوه يلغبتوا عنه .
بعده حزنه امجيم بديار أهلنه

من أمي ما حسيت طعم الملاكه .
كالتلي الأمريكان صارولي ساده .
كلتلهه يمه أتهون مده أويولون .
كالتلي والعباس ماظنتي يمشون

هذا العراق أيصيح وين النشامه .
ذلوني هاي أسنين كافي المهانه .
أنهنت ونذليت محد فزعلي .
تاليهه ناس أجناب هي الخذتني

عراقي أنا وعليه الناس تنشد
البطل هذا البطل ياصاح تنشد
الحجي كله الشعر والحكم تنشد
إله مخلص صاحبي وريعانه ليه
شفت طوله وعقلي شت مني
عيونه قبل اشافه شتمني
هيم بيتج ياروحي شهتمني
تمنين الذي يصعب عليه

بسم الله اونبي الرحمه بدينه
يلاهي تنصر الغايب بدينه
بدينه اشتات بالعالم بدينه
لان كلنه نحب حامي الحميه
حبيبي شعطلك عني و مايت
الوسيعة ضاكت بعيني و مايت
طريح و ناحل بهجرك و مايت
من اشوفنك ترد الوح بية

فزع طبع الصبر بينه منخوينه
ويا روحي جروحي منخوينه
اخوي العييد بحزني منخوينه
انخه اشلون وجفوفي بديه

شفت وسفه اعله البحر منحوت
وصرت شاخص حزن منضيم منحوت
اذا يونس عبرته اتصير منحوت
انا الطيب عبره يصير اليه
انه وروحي بعذاب جفاك لجنه
يلن جفني بواجي اليل لجنه
انه الما حصد بهواك لا جنه
مو حك الدمع يبجي عليه

حرت شرد اعدلك وصفلك
يالي بس الذهب يرهم وصف لك
تضل روحي مدرستك وصف لك
واعلة كلبي رحلتك ذيج هية

اريد ارحل براري بعيد وسعة
على ام شفة الصغيرة وعين وسعة
ياحفار اللحد بالله عليك وسعة
اريد اليوم ياخذنا سوية

عيوني مولحن من كثر ما مش
بيديه وتبعتهم زحف ما مش
امر عل الدار ولگه الولف مامش
تجاوبني رحلو وگطعو بيه
لى الماء يسعى من يغص بلقمة ... الى اين يسعى من يغص بماء
اله سنين الفرح وياي**مايه
ومو واحد اجروح الكلب**مايه
اليغص ابلقمه اذاينطوه**مايه
انه بلماي اغص وشلون بيه
كن كالنخل عن الاحقادمرتفعا ... ترمى بصخر فترمي اجمل الثمر
بحرالغيض شينشفه**ونخله
وصحيبي بعدمااجربه*ونخله
رموهاابحجر يالنخله*ونخله
رموها ابحجر ونطت رطب هيه
لوكنت اعلم بان الحلم يجمعنا ... لاغمضت طوال الدهر اجفاني
ابفركتك منهدم حيلي***وناراك
احبك وبرد ابجمرك ***وناراك
ابحلمي كون اشوفنك ***وناراك
اغمض طول دهري اوهاي هيه

شمالك ياضعن بهواي شتيت
انا بناري وفكر بيك شتيت
اذا انت بقميص الصيف شتيت
انا مصلخ شتاك المر عليه

عليمن نافخ بريشك وينحاك
تكول الماي اغزلنه وينحاك
صحيح الجسم اوصله وينحك
بس اذا كلبي كرصني شلون بيه
نسيتوا إسنين يحبابي ..وعدنه
عليكم والوعد ثابت ..وعدنه
تعالوا وطيبت العدكم ..وعدنه
نبني إديارنا وتصبح زهيه

بديت وما عرفت إشلون بدواي
عليل وحارت العربان بدواي
نخيت الي خواله بلقب بدواي

يلين كل كلب قاسي عليه ..


ما لان گلبك شما ناح گلبي وشبچة
ومن ما تمر احس روحي بقفص وشبچة
لا تگلي يا حلو شحن ماكو وشبچة
متت اني ومسكولك شح علية

يصاحب لوكعت بظيم_وصلي
مع الزينين ماينكطع_وصلي
اشب اعداك بالنيران_وصلي
وقدم الروح دوم الكم_ضحية






زهيري
مخمور بهواك لاصاحي ولا صاحي بي
فكرتني لي زمان چنت انه صاحي بي
وسواك محد كسر گلبي ولا صاح بي
ازگيتني حنضل بعد الشهد وعذاب
وحرمتني طيب شمّات الهوه وعذاب
چم دوب انه احمل كثر الجفه وعذاب
لا انته عدوي عله وجه ولا انته صاحبي

مشى عني حبيبي حيل وابعد
وكضى باحساب ولفي وياي وابعد
احلفنه ابثمودوهود وابعاد
الجرى عليهم ربع ما صار بيه

وحق اسمك وحق رمشك***وعينك
اذا تحتاجني احضرلك**وعينك
يالتمنيتك اطحينه **وعينك
ومثل ما ريد اكلبك بين اديه

وسط خدي اصبحت وديان ***ونهار
لان ابجي عليك الليل***ونهار
علمودك اغض النضر **ونهار
اذا ماشوفك انصبح اومسيه

بحضنك ياوطن أغفه وانـامن
وبدونك ياوطن ضايع انامن
يسألوني أحبك كَلت انا من
حبه لقب سويته أليه ...

يا صاحبي من ترد ابدار الحبايب مر
وسكوني كاس الصبر وجرعت منه المر
حاقد عليه الوكت شو شفت منه وامر
حصلت في هجرهمغير القهر والهم
اضعون يمي لفوا ثاري اطلعوا مو هم
امشيت في دربهم واتعبت من الهم
خادم صرت للوكت يامر علية امر

وجاني
لحكني الحزن عند بابي وجاني
التعب والقهر لميتة وجاني
اريد اعرف شنو ذنبي وجاني
الزمن والناس هم رفعوا قضية
وداوي
يمنك هاجن اجراحي وداوي
وعليك وهم نحل ضهري وداوي
يعقلي تاه بفراكك وداوي
صرت مجنون محد حار بيه
أريد اسأل شعركم كيف ؟ وين صار
أشو كله مناحة وحزن اوون صار
تعالو انصير جوكة فرح وانصار
نبرد الكَلب من ناره السرية
***************************
هسه نحول على الدارميات
*************************

صارت عشرتي وياك عشرة مراجيح وملتني حتى الكاع من كثر ما طيح

شوف الزمان ايدور حتى على الطيور شفت الصكر مربوط ويحرسه عصفور

سلاني سل فركاك واثر عليه دوروحته اعضام مالكو بيه

خل روحك اعز دوم بالك تذله ولا تطلب الحاجات اله من اهله

بالصف وافكر بيج وعن درسي فاتر واسمج كتبته يشوك فوك الدفاتر

مية جرح عديت وتخربط العد صارن اجروحي اهواي ما اعرف شكد
ابراسي ولحيتي الشيب راسم خرايط وشيب العلي ينشاف من وره الحايط
رش الدرب تيــزاب حافي أعتـني لـك
جا شـلي بالرجليـن الما تجي لــــك

لو ترش مو تيــزاب لو تزرع ألغــام
اللحم خلـه إيروح أوصلـــك إعظـام

بيه وگلت بالريش سهمك فلا هم...لكن شگل للناس لو شافو الدم

روحي شكثر تهواك وشگد تهم بيك...سعفة ويهزهه الريح من يمر طاريك

لو تدري البنات اشكال مثل الطماطة...منهن تخيس بساع منهن زلاطة

متعجب بدنياك تشرب جگارة... مو گلبي معمل صار ملتهبة نارة

ونيت بتوالي الليل شمضيعه روحي...حس بيه گلبي وگال يا روحي نوحي

هم سگم هم هموم هم اعله من هم...جرحي بتوالي الليل طگ ونزف دم

لا تدري البنات اشكال مثل الچفافي...منهن تخيس بساع منهن توافي

متعجب بدنياك بگلبك سبع زروف...مو گلبي منخل صار بيه العمى يشوف

شماتي مو شمات شماتي شمات....بالگبر ويسالون حي بعده لو مات

گلبك صخر جلمود ما حن علية...انته بطرف وبكيف والبية بية

شماتي مو شمات اخوتي حتى امي يا هل الناس تدعي على موتي

كون انه نجم الليل وانزل على غطاج...وبحجة البردان اتلفلف وياج

اصبر وشد الجروح وأنزف فلا اطيح .
حتى الوطن ليضيع وي عاصف الريح .


أكعد يبعد الروح شوف أ شجرالي .
مدري ابجي علبغداد مدري أعله حالي

يردونك الشمات غارك بالهموم .
صدكني مرعوبين من صحوة اليوم

وي أهلي ما حسيت لهفه للعناك .
حلمي وحلمهم جان مو هذا العراك

ألمن بعد أشكيه همي ومصابي .
وألي أشتكيله صار هو عذابي


ريبه وكثر وهواس والحيره زادت .
بين الكلت والكال وادمنه تاهت .


يمته حزنه يزول وتزول الهموم .
ويمته كمرنه أيعود ونزفله النجوم

أنهجم بيت العين هلكد وكيحة...كل ما يمر الحليو تگولي صيحة

ليلي يمر سهران أتمنه ملكاك...ومعارك ويه الروح ما ترضه تنساك


أمانة يا نسيم الليل سلملي على حبابي...ورجعلي خبر منهم تره عايش على عصابي


گون الدمع ينشال وبعيني خليك...كلما أحن وأشتاك أكعد وحاجيك

بطل وربع جريت حسبالي أنساك...وكلما أريد أنساك بالمزه الكاك

گون عيني عكب فكب فركاك تفقد بصرها... عيوني بلا شوف الحبايب شلي بنظره

زيد بغرورك زيد أستاهل انه هواية...يا ريت شكلك حلو جنك مرة بباي


انشدني عالحال حالي أعلى حـــاله
سمجه أوشحيح الماي وبظهري فالـــه

حسـره إلك بالدلال ظـلـت لما أمــــوت

ماتدري حقها الناس إصوابي بسكـــــــوت


اتعمن والعباس بسجن يالعيون
ابجن وهما هناه لوشالو اشلون

ياربي سترك رفت العين
واحبابي مو يمي بعيدين

كـلبي أرد أكـصه إبموسوأكوي إبمكانـه
علمني إعله درووب كلهن مهـانـــه

كلبي أرد أكـصه إبموس وبفاس أكطعه
خلصها بالسختــات مالحك ربعـه

القلب قال أحاه ! قتله وجــتين
منهو الاجى أوعزاك من طقك البين

يالردت عني اتروح خليلي صبرين
واحد يصبر الروح والثاني للعـــين

شامت وكًًف عل الباب حاير شـكًًـلـه
أرتجي إعله المكســــور لو دمعي إهله

إرتجي إعله المكسـور حيل إردس الكًًاع
بالك تذل جدام شماتك إبســــاع

اقعد ابتالي الليل وادعي ابصلاتي
ياربي بعد افلان شلي ابحيــاتي

ارد انصحك يافلان هذي النصيحه
عوف اتلف وادور حب الصريحه

احمل وفى والطيب والرقه كلــها
أوكل مشكله ابهالكون بس يمه حلها

ريته اليطيح ابضيج كون اخوه وياه
اوكل مايقول احاه كلها اتلــقاه

إلي تطلبه ايصير بس أمر انــته
أو لاتعب الجلمات أشرلي سكته
الرد
أطلب وقلك صار تامرني أنــــته
عمري من أول يوم بسمك رهنته

ميت والمعزيات يبجن عيــاره
طفن على التابوت راس الجكاره

الدهر شل يمناي شل يسرتي الــبين
جابيش اصبر الروح بيش امسح العين

متعجب المهموم يشرب جكاره
قلبي ابكثر مانوح تجويني ناره

من كثر حر الضلع أحترقن هدومي
وتسعين ناقة وجمل ماشالن همومي

هاك ابره هاك الخيط خويه ارد اكلفك
امقطع الدلال شله على عرفـــك

هاك ابره هاك الخيط كوم امشي عني
لو بيه اشل جروح جاشل هــذني

حسره الك بالدلال ظلت لما اموت
مادرت حقها الناس صوابي بسكوت

حسره وحدرها احاه وبقلبي لــوعه
كلما اضوق الزاد اركض وازوعــه

اشمالك يبعد الروح لونك تغــير
عندي خوات أهواي طب أوتخير

الدنيا ماتسواش لاتصفن إلهـا
عالطيب والمزيون يكثر حملها

جاشلي بالخوان والماينفعــــون
عود أمن اموت أيجون ويا اليشيعون

عبالي طيب زاد واعطيتك اعيون
تالي توج النار ويا اليكرهــون

هاك أبره , هاك الخيط خويـه أرد أكلفـك
أمسرد الدلال شــله إعلى عـرفــــك

هـاك أبرتك. .و الخيـط خويــه إمش عنــي
لو بـيـــه أشل إجروح .. جان أشل ذنــي

علمني عالنسيان ارد انسى ضيمـــــك
وي غيري قمره اتصير بس حصتي ضيمك

سبحان امن خلاك تقسي ابغرامك
جانك اتداوي اجروح رقت كلامك

اوقف يبعد الروح اوياك الحســاب
سَافر أو جرحي اينوح ليهسى ماطاب

هامسى أوها مصباح باجر يشيلـون
اورجليا شالت طيب من دمع العيون
الدنيا بس وياي شـدت عـــداوه
ولا واحد إمن الناس لجروحي داوه

ارد انشد الصباغ هم يصبغ اقــلوب
اصبغ دليلي اعليك واحزن فرد نوب

حـط باللبن تيــزاب مجبـور أشربـه
بس لا أشوفك يوم تمشي وي غربـــه

سباحه لك بالروح خضرى أوطريه
تسقيها من تشتاق وتمر علــــيه
********************
مني لكم خالص التحية
  رد مع اقتباس
مــــلــــوكـــه
قديم 12-14-2012 ~ 09:04 AM
افتراضي رد: اكبـــر موسوعة من ابو ذيات والدارمي!!
  ãÔÇÑßÉ ÑÞã 2
 
الصورة الرمزية مــــلــــوكـــه
 
1409683700141.png - 46.37 KB
تاريخ التسجيل : May 2012
معدل تقييم المستوى : 111
مــــلــــوكـــه ادارةمــــلــــوكـــه ادارة


مِّوٍِّّضِّوٍّعَّ فٍّيِّ قٍّمِّةٍّ آلِّخِّيِّآآآلِّ
طِّرِحَّتٍّ فٍّآبٍّدٍّعَّتٍّ
دٍّمِّتٍّ وٍّدٍّآمِّ عَّطِّآئﮝ
وٍّدٍّآئمِّآبٍّأنِّتٍّظِّآرِجِّدٍّيِّدٍّﮝ آلِّشِّيِّقٍّ
تٍّقٍّبٍّلِّ مِّرِوٍّرِيِّ(Θќa)

  رد مع اقتباس
شجون عاشقة
قديم 12-14-2012 ~ 04:08 PM
افتراضي رد: اكبـــر موسوعة من ابو ذيات والدارمي!!
  ãÔÇÑßÉ ÑÞã 3
 
الصورة الرمزية شجون عاشقة
 
مشرفة سابقه
تاريخ التسجيل : Aug 2010
معدل تقييم المستوى : 57
شجون عاشقة ادارة


يسلموووو رائع

لاعدمنا جديدك
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
موسوعة الاكلات عراقية , اكبر موسوعة اكلات عراقيه 2013 وصفات اكلات عراقيه 2013 ورد الملائكه الاطباق الرئيسيه والعالميه 12 08-08-2013 06:49 PM
موسوعة }--- شرح جسم الانسان بالصور اسمر حبيبتي هيه القانون عالم الصحه والغذاء 18 07-14-2013 12:44 PM
موسوعة البهارات انثى مخمليه الاطباق الرئيسيه والعالميه 1 10-26-2012 03:37 AM


الساعة الآن 01:23 AM