حبيتك بروحي

حبيتك بروحي -

حبيتك بروحي وما حجيت وياك
لان خفت امن أكلك تبتعد عني
وضميتك بكلبي وما كلت للناس
ورضيت ابقى بعذابي ولوعتي ووني
بس لشوكت اصبر .! والصبر محدود
وانت بنظرتك يوميه تكتلني
معروفه اليحب بس الكلب ينطيه
بس انت شلع من عندي ماخذني
على جروح الكلب تتمشه من تفوت
ومن دمعات عيني جفوفك تحني
بعيونك سوالف بيها الف تفسير
وحرت يا نضره منهن بيها تقصدني
اريد تحس عذابي ومثلي كون تعيش
ليش انه الوحيد الشوك ياكلني
وليش انه انهضم واتحمل اللوعات
وانت بكل وكت مرتاح وتغني
اشوفك جوه اشايل من هموم ؟
لازم تستمعلي وتفتهم مني
وراها بكيفك انت تقرر وتختار
واشوفك نار كلبي البيك تحركني
لو تبنيني بيدك لو تفلشني

روعـة .,
أبدعتي بطرحكَ يالغلآ ..
كل الشكر لروعة مآخترتي ومآننحرم من جديدكَ ..
أحترآميَ

يسلمو علىا هذإْ النثر الجميل
راق لي جدأأ يعطيك الف عافيه
بنتظار المزيد من ابداعاتك
بششوق وردي قبل ردي

هدووووء

اسمررررررر