نشف ماي البحر بس مانشف جرحك

يل حبك جمر وانه الحملته اسنين...
شلته وعلكلب انه الكلت خله...
وعليك اتسترت حته اعله كلبي وياك...
وانت اعله اليحبك تنطر الزله...
وانه ادري بيك لغز بس كلت احلك يوم...
انحل عمري كله وماشفت حله...
انت انطيتني من العمر لحظه وياك...
بس لمن خذت .. خذت العمر كله...
تهت عني ورحت بس كلشي راح وياك...
وتيهت العنب وانباكت السله...
وماميز كمت بالضدي والوياي...
شبجت كلها عندي الصعبه والسهله...
اضم سري اعله غيرك .. وانت سري شبيك
ياهو الوهدنك ولغيرك اتلكه...
حرس من حتى روحك انه جنت وياك...
وحرس كالولي انت ولاكلت ظله...
وحجو كالوهه ذله وانه اكلهم لا...
وانه ادري بيها ذله وماكلت ذله...
اشد جفن اليضدك لان اخاف عليك...
تحط جفك بجفه وبيدك تحله...
وسل عمري الك لجفوفك انت مراد...
وعليه لمن اجيتك سيفك اتسله...
واتلاوه ويه جرحي وعينك انت اتشوفه...
وتمر مر الكرام وعلجرح تضحك...
مارايد ضمادك فوك جرحي يصير...
فوك الجرح ردتك ماردت ملحك...
ورمحك عاليضدني يصير مثل الريش...
وانه لهلوكت ينزف اثر رمحك...
وصبحك جنت انطره ايشك ظلام الليل...
طلع الليل عليه ليلي وماطلع صبحك...
وجرحك مانشف من رحت عني بعيد...
نشف ماي البحر بس مانشف جرحك...

(اهداء الي اخي جنيد البغدادي لانه هو الذي مر بهذه الجروح الصعبه)

تحية معطرة بالورد أهديها إليكِ
كم يسعدني دوما ان اري هذا النزف الرائع الجميل
فاعجز عن شكر على كل ما تخطه أناملكِ الذهبيه
وما يتدفق من حبركِ العطر
فيض من المشاعر والاحاسيس الجميله ..
عزيزتي كم تمتعت وتلذذت بهذه العبارات المتسلسله
والنغمات الملحنه بنفسها
ربما الاسلبوب الذي
اتبعتيه ونهجتيه على نهجه
من النوع البسيط والسهل
ويمتاز بلذذه في تذوقه..
فهنياً لنا بهذا القلم الساحر
والذي سحرنا جميعنا
احساس رائع وتعبير جميل..
دمتِ بحب وسعاده ..

انثى مخمليه شكرا لك على مرورك
وشكرا لك على احساسك وتعبيرك بردك
على جميع مواضيعي وشكرا على كل
كلمه لها معنى جميل وراقي
مثلك انتي يامبدعه
ولقد عجز لساني عن قول اي شي لك
لان انسانه لايستطيع اي شاعر
او مبدع بان يصفك مثلما انتي على حقيقتك
دمتي بخير عزيزتي وشكرا لك مره ثانيه

جدااااااااا روعه

يسلمو حمودي على المرور نورتني باطلالتك

روعه مانقلتي لنا ياخيال فتاة
كلمات جميله واحساس اجمل
دمتي بخير تقبلي مروري
عاشق بغداد

يسلمو عشوق على المرور
نورتني باطلالتك وردك

يسلمو ورده

روعه ما سطرتي لنا

دمتي ودام عطائك ورده

اخي ستيفو يسلمو الك
على المرور الذي انار صفحتي بردك

روعـــه مــرــره مــرــره مــرــره
عآشششوـآ الديآـآت