ديوان أحمد البصري

وطن مبيوك وشعب مهضوم

مسكين يابويه الشعب

راضع من ثدي الهموم
ومسكين هذا الوطن
ماشايف فرح دوم
غيرنا ظلم الأمس
بجذب الوعود اليوم
صح كبل ماعدنا
أهدوم من يجي العيد
وهسه مايجي العيد
وعدنا الهدوم
وصح كبل أسكت
لا تحجي لتكول
وهسه أحجي شتريد تكول
بس الإذن مصموم
صح غيرنا شي
والصدك ينكال
كابوس واحد بألف جيثوم
خطية أحنه
عود هم عدنا وطن بابا نسميه
أشو بابا عدل
وأحنه بيتم دوم
الظلم نفس الظلم
تغيرت بس العناوين
ويبقى الشعار
وطن مبيوك وشعب مهضوم
وطن مبيوك وشعب مهضوم

كتبت بقلم
أحمد البصري
في
17/4/2011