من كلمات الشاعر المبدع جبار رشيد .. إليكم هذه القصيدة الغزلية

من كلمات الشاعر المبدع جبار رشيد .. إليكم هذه القصيدة الغزلية


أرد اكتب قصيدة وكون تسمعها ... وشوف اشكد عشك شايل بمطلعها
قصيدة بس الك وأخفيها عن الناس ... بس يمك أجي ويمك أطلعها
اسولف بيها كلشي وما أضم أعليك ... وعلى اجفوف القوافي أسراري أوزعها
كلبي أسرار بيه امحجبة امن أسنين ... أذب احجابها بحضنك وأفرعها
دفنت نوحها روحي وتعنت ليك ... يبو اجفوف الحرير ارحم بمدمعها
جوعانه اشكثر للعشك صار هواي ... بلذة شوك روحك روحي أشبعها
كطرت مطر طاحت روحي وأنت الكاع ... ترجع للغيوم اشلون تقنعها
يالفكيت بابك لا تسد الباب ... وعلي لو مو قفل.. رزاتك اشلعها
يالطبعك نحل لو عسل لو لدغات ... ياهي التصح منك ما نرجعها
روحي معلعلة وما صدكت تلكاك ... صدك حتى أذيتك يعني تنفعها
نور النور نورك شاشعل الملكاك ... روحي اتحيرت يا حجة تصنعها
أشعلك شمع عشرة اشتظن تفيد ... اخلي اضلوعي مشعولة اويصابعها

روعة ما نقلت لنا
يا أبن بغداد المبدع
من صور شعرية جميلة
دمتا متميزا ودمت بألف خير
ولا حرمناك أبدا ياغالي
لكن لكونها شعر شعبي
تنقل الى قسم الشعر الشعبي
تحياتي لك ياغالي
هوبي

الله الله
كلمات رووووعه
عاشت ايدك يا ورد
تحياتي

حروفٌ جميلَة, أُعجِبتُ
بـ هدوءِها الساكِن في السّماء..!
راقَتْ لي \\حروفكِ البسِيطَه
التي تحملُ فِي طَياتِها الْكَثير
من المعأإأني والهمسات الرأإأئعه...~
سَلم نبْض قلبك \\ومِداد قَلمِك
ؤدي...

تحياتي الكم على مروركم الجميل

عااشت الاياد ي رووعه
ما قدمت من مجهوود مع تحيتي لك
الاميرة ليان

الله الله يا ابن بغداد عاشت ايدك على نقلك ابيات من قصيدة الشاعر الرائع جبار رشيد

تحياتي لك يا مبدع

يعطيك الف عافيه ورده
دوم هل ابداع

اللة يعافيكم ويعطيكم الصحه والسعاده تحياتي الكم