قصة حب على شكل دارميات

[align=center][tabletext="width:80%;background-image:url('http://forums.5ligi.com/imgcache/b9f00d4263158284662b77e5d2dec38c.gif');border:1px double green;"][cell="filter:;"][align=center]

ااكو فد شخص ينتظر بنية تروحل لسوك فنعجب بيها بس شويه بايعه ثكل عليه بس خل نتابع ونشوف شصار بل أخير ..وفي يوم من الايام قرر يحاجيهة...وكال..

حني يبنت الناس مرة اعلة حالي***صدكيني آنة اهواج وانتي بخيالي

ردت عليه..وكالت..

لاحن ولااهواك ماعرفك آنة *** لاتحجي بعد وياي كافي ميانة

رجع المغرم وكال..

مااكدر آنة انساج صرتي انتي روحي***وبلمسة ايدج هاي تذبل جروحي

جاوبتة البنية بهذا الرد..

امشي يخوية وروح والعن ابليسك *** مو سلعة آنة وجاي ياخذني جيسك

جاوبهة المغرم..

مو سلعة انتي ادريج انتي حياتي *** واتمنة يمج كون يحصل مماتي

كررت البنية كلمة خوية وجاوبت..

كافي يخوية وروح وابتعد عني *** تلكة بنات هواي حتى احلة مني

كال المغرم..

من بين كل الناس كلبي يريدج *** وسلمت هاي الروح ياحلوة بيدج

بدت تمل كلامة البنية وردت..

أيس يخوية وروح لاتاذي كلبك *** ماريدك وماريد ياخذني حبك

رجع صاحبنة المغرم..وجاوب..

هيجي يبنت الناس صعبتي امري *** دمرتي حلم الروح ضيعتي عمري

ضاجت البنية كلش وجاوبت بعصبية..

ماريدك وماريد كربك الية *** آخركلامي وياك حبتك حية!!!

رجع المغرم بعد الصدمة...وكال..

اقبل كلامج هذا بس ما اعوفج *** يومية اجيج هنا ويومية اشوفج...!!!!

رجع المغرم يمشي علة اعصابة (مو علة رجليه...ههههههه)

ورجع يتمنى قبولها........بس هالمرة منو بدا يحجي؟؟؟؟

هية بدت بالكلام...وكالت...!!!

ها خوية شو رديت شنهي القضية...... مافاد حجيي وياك ذيج المسية

جاوبهة المغرم بلهفة...

رديت الج مشتاك صدكي يحلوة........عتني عليج الشوك مو بيدي كوة

طلعت البنية بعدكل هالهوسة تحب الصراحة!!! وكالت...



سولفلها صاحبنة المغرم بصراحة تامة وكال.....

حجيي الصريح وياج آنة هويتج........واليوم اجي خطاب واتعنة بيتج...

من سمعت بيهة خطوبة البنية.....لانت شوية....وكالتلة كلمة...عيني!!!!

هلكد يعيني تفيض شوك ومحبة......طيب وعالاخلاق كلبك تربّة....

خطية مغرمنا.......بدة ينتظر الردالصريح....وكال...

ها يبعد هالروح ما جاوبيتي.......كافي شلاع كلوب كولي رضيتي...

جاوبت البنية...

والله رضيت اهواك اسرني حبك.......واتمنى اعيش وياك واتمنى كربك

جاوب المغرم بعد كل هالعذاب....فرحان ومرتاح...وكال...

همي يحلوة انزال من هالمودّة.........غيم الحزن والآه بيدج تعدّة...

ضحكت هية وكالت......(شوفوا بدة الاستغلال...!!!!)

يلة دشيل الماي خلينة نمشي......صرنة اهل واحباب وانتهى كلشي.,.,.,


تحياتي لكم واتمنى قد نالت رضاكم

[/align][/cell][/tabletext][/align]

الله ررررررررررروعه القصيده

عاشت الايادى

يارب دوم التــآلق والابـــــداع

تحيااااتى

هههههههههههههههه
روعه روعه تسلم الايادي
دمت متالق جديدك رااقي
كشخصك عجبني متصفحك بما يحمله
:001::001:

تسلم كلك ذوق

انتظر جديدك
تحياتى لك