بأقلامكم الذهبية مطاردة بالدارمي

مدري الزمن زعلان ..مدري انا بيه

كل ما حرف خطيت ...غفلاوي يمحيه

....

الله محيي اصلنـــــــــــــــا
ويلم النا شملنـــــــــــــــــا
ويعليلنا قدرنـــــــــــــــــــا
بالسما وهم بالكــــــــــــــــــــاع
.....................

اسود ومن ظهر رجـــال
وما يهمنا القيل وقـــــال
وعيشتنا على كد الحال
اسباع وولد اسبــــــــــــــــــاع
....................

خبز وتمر اكلنــــــــــــــا
حليب وعسل شربنـــــا
بالمحبة اجتمعنـــــــــــا
عيشتنا بدون خـــــــــــــــــداع
....................

هسة يجينا الكــــــــــافر
وبالنميمة يكابــــــــــــــر
وخلق بينا التنافــــــــــر
واحنا صدكناه بســـــــــــــــــاع
.......................

يكلنا اني الاصـــــــــــــل
وهذولة همة الفصـــــل
ومن خيرنا يوزع فضل
يتكرم على الجيـــــــــــــــــــاع
......................
شغلته بس يشتــــــــــكي
ويودي ويجيب الحجـي
لا يخاف ولا يستحــــــي
طبه من طبع الضبـــــــــــــاع
...........................

العمر راح ينكضـــــــــي
لا فقير ولا غنـــــــــــــي
الكل كدامه ســــــــــــوي
حتى لو تملك اقـــــــــــــــلاع
..........................

صفي النية واستحــــــي
ومن الله ظل انتخـــــــــي
ومن كلبك امحي محــي
كل المكر والخــــــــــــــــــداع
........................

العمر غمزة عيــــــــــن
هو سلف هو ديــــــــــن
لا تنتظر وتكول بعديـــن
وتظل عايش بالضيـــــــــاع

سبحانه من سـواك نص وجهك إعيــون
إزغيــر سبيت الناس من تكبر شلون


ارد انشد الصباغ هم يصبغ اكَــلوب
اصبغ دليلي اعليك واحزن فرد نوب



سـلَم ولَو بالعين تكفي الإشــاره
روحي إبتلت بهواك .. سويلي جـاره


كل ما يجي الليل أذكر وفـاكم
واذكر محاشي الطيب وابجي أبرهاكم


شلونـك.. شلون الدار .. وشلون الأحباب
أذكر جرح بجلاك خبـرني ما طـاب

همي الليالي اتعود واتعاتب أوياك
احجايه للشمات خلاني فركَـاك






منك سمعت الاه كثرت جراحـي
وشبيدي خوية اعليك كَصوا جناحي




يحمل وفى والطيب والرقه كلــها
أوكل مشكله ابهالكون بس يمه حلها




سبحان من خلاك تقسي ابغرامك
جانك اتداوي اجروح رق بكلامك



أرد أسـأل العشاك ليش آنه مشتــاك
نايم إبحضن إهـواي واشكي من الفراك


شحجي شكَل للناس من همي شحجي
مليان بالحسرات بس احجي ابجــي


عمداً أمر بالدار وأشبع مغمــه
وابجي بجي المفطوم ومفارك أمه


علمني عالنسيان ارد انسى ضيمـك
وي غيري كَمره اتصير بس حصتي ضيمك

اشرب حليب سباع بس ماكو جارة *** لو بيرة بنعناع ويا الجكارة


كالو تشوف احباب من ترف عينك *** رفت عليك الروح بس انت وينك

صاير طبع بالناس تنسة اليبعدون *** بس انة ما انساك لوتعمة العيون

مو سهلة انسى الصار مو سهلة انساك *** عندي البشر انواع وانت اغلى الانواع

الدنيا للتهواه تركَص إمفرعة *** وآنه تجيني بموس وتكَلي إبلعه

شماتي مو شمات شماتي ورطه *** نصهم أمن وإجرام والباقي شرطه

شماتي مو شمات شماتي سبعه *** والثامن صغيرون يأشر بصبعه

مو هينة انسة الراح اتجاوز الصار *** ليهسة كلبي يذوب ملتهبة بي نار

لو ترش مو تيزاب لو تزرع الغام *** اللحم خله ايروح اوصلك عظام

للخوة ما خليت بس انت عنوان *** تدريني اخاوي صكور ما خاوي غربان

زين انت عندك عين وتناطر احباب *** فگدت نضرها العين من لحظه الغاب

زين انته عندك روح ثاري انته بطران *** جثه آنه ثق بجفاك ما صحلي دفان

احبك حيل كلش حيل خلي الما سمع يسمع *** ايكولون القناعه اكنوز ليش ابحبي ما تقنع

الدنيه شوف اشلون تفتر يهالناس *** ابتعد عني الجان ابين الانفاس

سهم الهجر جتال يالفاركتني *** شكلك ضميرك يوم ميت عفتني

شمات مو شمات شماتي اخوتي *** حتى امي يا هلناس تتمنى موتي

شمات مو شمات شماتي اشرار *** فوك الكبر ويصيح ياربي بالنار

كل ساعه مو كل يوم منتظرك اني *** والشوفتك يهواي احسب ثواني

راح انا ارد عليج مريومه عيني *** شايب ورد اصغير لمن تجيني

يسالني البطران اعربلي كان *** حسبالة مثل العام عقلي بمكانة

كل يوم اكول اليوم هلبت يجيني *** ياناس اريد هواي مشتاكه عيني

جر سمجة من الماي وباوع عليها *** هيجي اني روحي اتصير من ما تجيها

هاك إخذ كلبي بساع يابن الحموله *** ولو رايد خذها الروح لجلك عموله

كرمالك افدي الروح يأبرني ألبك *** وتعرفني انته منيح أديش أحبك

ياحبي وين الكاك وين انتو صرتو *** شاب الكلب والراس لمن رحلتو

الشعب مو مسكين الشعب ساذج *** ليش انتخب مرتين نفس النماذج

كلبي شكثر مشتاك يتمنه يمك *** يكضي الوكت شبكات عبالك امك

رحت وتركت الروح تسالني كل يوم *** احبابي راحو وين ما منهم علوم

بين المحبة اكتاب خليني صفحة *** لو سطر هم ارضيت بس لا تمسحه

ملينة صار سنين هذه بجيكم * *** لو صدك بي ذرات بين عليكم

هذا الشعب مسكين يتقشمر بساع. *** مايدري بالمستور حتى الهوا انباع

تتكبر انت هواي يا عمي كافي *** اثكل يبعد الروح موجنت حافي

تعبني گلبي هواي يوميه هوسه *** كلما يشوف حليو ايگله بوسه

شكلك حلو يفلان شكلك مصيبه *** وإلما هواك بيوم ضايع نصيبه

ناشدت ما خليت حتى بالمهاد *** ليش الصديق يخون من ياكل الزاد

اسود لبستي ليش مات التحبين *** لو صار الحزن موديل ويعجبج تلبسين

[


تعبر حدود الكون تلكاني هناك

متغلغل بهالروح تاليها وياك

...

شكد حاولت انساك ارجع الاقيك

وسط القلب والروح مدري شحاجيك


="6"][/SIZE]

منك عرفنة الطيب يا اغلى ناسي
يالطيبك مخليك تاج اعلى راسي

ياصفه بيك تلوك ساعدني واختار
بيك انت محتارين كبار وصغار !

حزن بسماي غيوم غطت هالنجوم

مامرني افراح من زغري لليوم

لاتصفن لدنياكـ بــــس تصفن اطيح..
دنيـــا وصفت يانـــاس مثل المراجيح..

راح اقترح موضوع من عندي جبته
تقــبل نشيل العين ونحطــك انــته