بسم الله الرحمن الرحيم
السلام عليكم ورحمة الله وبركاتة
اتمنى يكون الكل بخير وتمام الصحة والعافية ان شاء الله
عندي موضوع احب اتناقش وياكم فيه موضوع هواااااااي زاعجني ومضوجني وهو
((الميانة))
كلمة مااعرف منين اجت يمكن القصد منها رفع الكلفة بين الاصدقاء والاخوة والاقارب
زين بالجهة المقابلة وين راح الاحترام والتقدير يعني اني والله احب صديقتي يعني لازم اشيل
الكلفة وكل شوية اهينها بعبارات مو حلوة بحجة الصداقة والميانة ابدا تصرف غير مقبول
اسمع شباب يتمازحون بيناتهم طيب عادي امزحو بس ليش تدخلون الاهل يعني دائما نسمع
اب ال......... وابن ال......... طيب ليش الاهل شعليهم ومن تجي اتناقشهم يكلك عادي ميانة
يمعودين ياميانة .....اذا كانت الميانة اتسببلي اهانة وقلة احترام اترك المزح كلة
سؤالي الكم
((عادي انمون على بعض بقلة الاحترام والكلمات البذيئة ومسبة الاهل وتقليل من شانة بحجة الميانة))
انشوف أرائكم والكم حرية الراي لو تقنعوني لو اقنعكم:018:
تحياتي للجميع
اختكم همس الاحساس