ربعي سباع كالو ما نعوفك يوم
من ضعفت اموري كلها هدتني
وضليت اني أكابر وأكل بهل روح
وحلفت ابني بروحي ومحد يساعدني
ردتهم عوز وحزام الضهر للضبج
وصفو ليفوت مني ما يناظرني
شفتهم حيل بيه يهد الجبال
ويردون اليذموني ابمكاني
انه تانيتهم لو بس يردون
صفو معشر بعد المن اتاني
بنيت بكلبي خيمه وبيهه يلوذون
وحجو اسرارهم وعكرت لساني
عضيت اصبع ندم جي ملحي ضاكو
وهسة زينهم شو هم جفاني
عليكم اني نادم استغفر الله
الكبل جنتو تعرفو صار ثاني
ابشركم رجع حيلي التعرفو
وصدكو الصار امتحان الكم من زماني
حتى نشوف منهو اليبقه وياي
وياهو الصح خويي ومو اناني
مشكلتي ما اصاحب من الصغر لليوم
ومعروف عليه ومعروف عنواني
انه بطعي اخاوي ولو ربعي يوافوون
املكهم حياتي وكل كياني
جفوني وهمه صح وراحو بعيد
وخلوني اعاني ما اعاني
ولاهمهم البيه شنو الصار
جنت باني عليهم اهواي اماني
لحد الموت كتلهم توافون
كلهم صاحو أييييييييي والموت اجاني
من اسمعت كلهم صاحو وياك
ولا واحد بس الله نداني
اشكركم انه وضحتو الامور
انه الشبيت ولا واحد طفاني
بشه اخرس جنت وياكم ايعيش
بس ضيم البكلبي نطقاني
04-16-2013 ~ 05:35 AM
العرض الشجري
المواضيع المتشابهه