وصيتي بعد موتي

وصيتي بعد موتي ...
ابيك تكونـ ..
وسط العزى بابتسامهـ
ماابيك تهل الدمع بغيابي
ولاابيك تقول راح الغالي ..
لوكنت غالي ..!!
ابيك تقول راح ومابقى له غير الدعاء
ابيك تكمل ايامك ابيك تذكرني بافراحك
وانتبه ..لاتنزل دموع من عينك
ابي خدكـ من صفى روحك
مفتّحـ ..!
ابيك بينهم لاخذوني
وسط قبري ودفنوني ابيك تكون موجود..
لاخر لحظة ....
من ايامي ...
ابيك
تجمع رمال بيدينك وتسكبها على قبري ..
ومن قلبك تودّعني
ابيك
لابدو علي صلاتي ..
تذكر ربكـ ثم تقول ..
ياربي هذا غالي ..
لاتحرمني من جمعة وياه بجناتكـ ..!!!!
ابيك تلم يدينك وتمسح بباطن كفوفك ..
خدودكـ..
ابيك تكونـ آخر من يروحـ عن قبري ..
ومابي اوصيكـ لاراحوا اصرخ باعلى صوتكـ
ياربي والله غالي ..
كيف بتحمل فراقهـ ياربي ..
ارفق به ..
وثبته في سؤالهـ !
ولاوصيك ...
لابدت ايام العزى
توقف على بابي وتستقبل اخواني وتخبرهم ..
كيف كنت اهواك
وقولهم قصتي وياك
بس تكفى لاتخبرهم باقي اسراري .!!
وان انتهت بثالث ايامها ..
خذ ملابسي ولفهـا بين احظانكـ واذكر كيف كنت تضمني ..
لابردت ..
وتنفخ بيديني لجل تدفي ..
احاسيسي ..
بهمساتكـ ..!
واياك تنسى ..
ولا تمسح رقم جوالي ..
خله محفوظ ..
ولاحسيت بالضيقة ارسلـي اخر اخبارك ولاتضيق حتى لو ماجاك ردي ..!

وان يوم ضاقت بك الدنيا ومافيها تذكر اني بقبري لحالي ...
وتعال لملم باقي شتاتكـ على رمالي اجلس تربعـ وعطني باقي مرسالك لو تبي تبكي ابكي انا اليوم ماني قبالك خبرني وش صار بدنيتك بعدي ..
وكيف هم معكـ عقبي ..
وهو قلبك ذكرني ..؟
ولانساه طول بعدي ..!
ابكي اصرخ نادي ادعي سوي اللي تبي ولو مارديت اعذرني انت تعرف اسباب صمتي وسكاتي ..!
المهم خلك معي ..
وكل ليله زورني و لاتنسى ..
تجمع باقي اوراقي ومابي اذكركـ تدعي ربك كل يومـ ..
وتذكرني بخير ..
وتنسى كل خصام حصل مني وماتذكر الا فرحتي وكيف اني بدنيتي ..
عطيتك قلبي ودموعي وفرحتي ..
هاذي وصيتي لامت
افتحها واقراها وارجع ثاني اطويها وخبيها بمخباتكـ بعد ماتحفظ كل مافيها