كتاب الكلب

ارد افتح كتاب الكلب هاليوم

وافهمك شنو انه وانه اعلمنك

كَلبي انمله اجروح وانترس طعنات

من عيني ويه كلبي هنه حبنك

جنت زاهيه ومرتاحه ابدنياي

كبل لاالتقي بيك واعرفنك

حبيتك صدك حب طفل مجنون

تعب وهموم هذا الحصلت منك

لتضني غشيمه من عبرت جذبات

اجذب روحي والله وانه اصدكنك

اعرف شنيه نيتك واعرف شبيك

بس مو بيدي يغالي انه احبنك

اسال روحي دوم ليش؟ وشلون؟

احبك رغم ماجرى علي منك؟

قسمت ربي هاي وهذا مكتوب

اعله كَصتي اتعذب واحبنك

اذا رايد تبتعد وتعوفني كول

صدك لااضوج ولا ازعلنّك

واذا رايد وصل وياي هم كول

اعوف الدنيا كلها واجي واوصلنك

ذله وتعب وجروح وتاذيت

وك ليش؟دكلي صدك راح افهمنّك

لان كتلك احبك تعبتها الروح؟

وجروح وطعنات شبعت ترى منك

ودرستك قريتك وفهمتك زين

اكلك شنو انت لو ما اكلك؟

كتلك من تبتعد تموت هل الروح

لاتبعد هواي وصيه ارد اوصنك

سالتك اسئله مرات وهواااااي

تغلط بالاجابه وانه الاعدلنك

تعرف شنو ودي انه هاليوم؟

بكثر ماحبيتك اكرهنك

وانسى كل جرح وكل كلمه وياك

واكلب صفحه وماضي احولنك