الشباب بين الرجوله والأنوثه & البنات بين الآنوثه والرجوله

سلمت الايادي لي عودة يثبت وخمس نجوم

شكرا ريماس على الموضوع الجميل

بصراحة اني فكرت بهذا الشئ ووصلت لقناعة بعد تمحيص و تدقيق للنتيجة التالية

الولد يريد يصادق بنية بس ميعرف شلون
فراح لبس بنطرون على المودة (( نازل من ورا )) بعد شوية يطلع .... عبالة البنات يحبن هاي المودة
وراح طول شعره وسوة الزلوف وحف الخدود ولون شفايفة عبالة البنات يحبن هاي المودة
وراح لبس الزنجيل ابو العكرب وفتح القميص من صدرة عبالة البنات يحبن هاي المودة


البنية بالتالي فكرت كالت شلون اخلي الشباب ينجذبولي ؟؟

اول شئ قوت شخصيتها وكامت تستلوّت باسلوبها وكلبت خلقتها عبالها الولد يحبون هيج قرقوز
راحت لبست البدي وحطت كلينكس شوية وانتوا افتهموا الباقي
وغيرت النمط بمشيتها وسوت تعديلات لانه الشباب يحبون هاي السوالف
المودة عند البنات جكارة ونركيلة و رجل فوك رجل وعدسات زرك للحيلة عبالهن الولد يحبون هاي المودة


مختصر مفيد ....

الزينة تحب الرجال برجولته والزين يحب البنية بانوثتها الطبيعية
والرجولة مو بس بالمظهر والانوثة مو بالحيلة

و كل الي ديصير بسبب الاحتلال
و صدك من كال اعطاء الحرية لشعب متخلف كإعطاء السلاح لشخص مجنون

أنثى مخمليه : نورتي الموضوع غاليتي
ايه مثل ماكلتي الرجوله افعال وليست اقوال
والانوثه الانوثه العفه والحشمه بس كل هذا وينه راح
عند الكثير من الشباب والبنات للأسف :smile35:
.................

اسمروش : نورت الموضوع عيوني
والله ياسمر هو اكيد هذا التغير كوله صار بعد
ماظهرت الموديلات والبرستيج الغربي وهم نكول صاروا
يقلدون بس وين العقل من نقلد الغلط ولاتستغرب كلشي راح نشوف :smile35:
................

صدمتي من الناس ماهي غريبه : نورت الموضوع مهند
ههههههههه والله ضحكتني جيل (بعبع ) مكان مايكون
اسم جيل نفتخر بيه بس وين العقول اللي تفهم الكلام
ااه صحيح إنها انهيار مبدئي وديوني
مع الاسف بس اني مو وياك انه نلقي اللوم كوله على الاباء والامهات
مرات تكون سلطه الاهل موقويه على ابنائها وكل هذا مايمنع الشاب او الفتاة
مايفكرون بنتيجه افعالهم واغلاطهم يوم بعد يوم .. :smile35:
.............

الادميرال ميموو : نورت الموضوع ياغالي
ليش غلاكوو والعقل وين صار معقوله اني اروح لبيئه
واشوف حياتها غلط او بالاصح اسافر لدوله غربيه
واصير مثلهم واقلدهم وانسه عاداتنا وتقاليدنا ... :smile35:
.........

رقه فتاة : نورتي الموضوع حبي
ياعيوني انتي ومنو اصبح يمشي بكلام واحاديث نبينا الكريم (ص)
لو كانوا يعرفون الدين يمكن ماكان هيك يعملون بنفسهم
وعلى كلامك ايه الظاهر لا الولد ولابنت راضين بنفسهم ويحاولون
يعملوا التغير ومايعرفوا ان الجمال جمال الروح مو المظاهر والشكل ... :smile35:
..............

مشاعر حظمتها الخيانه : نورت الموضوع يالغالي
ويسلمووو عالتقييم :smile35:
..........

السندبآد ..... نورت الموضوع عيوني
والله يا انس صح لسانك وكلامك كوله صحيح ومنطقي
بس شنو الفايده وبلدنا يحتوي نماذج عقولها صغيره وتفكيرها
عم عليها ونسوا تقاليدنا وعاداتنا وحتى اصبحوا مايعرفون معنى الرجوله
والانوثه بمعانيها ..
والمقوله عجبتني ..
و صدك من كال اعطاء الحرية لشعب متخلف كإعطاء السلاح لشخص مجنون
:smile35:


سلامي واحترامي لكل الاعضاء
استمتعت بالردود والمناقشه وياكم
كل الود لكم :smile35:

لان الاهل جدا سلاك بالتعامل ويه ابنائهم المفروض من عمر 10 سنوات يبدا الطفل بالتربيه الشديده حتى يتعلم و يصبح رجل

موضوع جميل ونادر ،

لقد انتشرت بلاونة الاخير هاكذا حالات وشاعت في البلدان ، وخصوصاً العراق رجال يتشبهون بلنساء لعنهم الله ، وهاذة يرجع الى عدة اسباب منها تربية العائلة ويرجع الى تأثير في عقولهم الى افكار غربية عجيبة منها لايمو ويرجع الدولة لاتحاسب على هيج حالات وبالتأكيد راح تكثر مثل هيج حلات مخنثة .