اشعار همس القوافي
زهيري عراقي 2012 اكثر من 100 بيت زهيري 2012 شعر شعبي زهيري 2012
زهيري عراقي 2012 اكثر من 100 بيت زهيري 2012 شعر شعبي زهيري 2012
زهيري عراقي 2012 اكثر من 100 بيت زهيري 2012 شعر شعبي زهيري 2012
يابو مها وجلان أسيل الطروش وأنشدلك
هزنا الجرالك وثار العزم وأنشـــــــــدلك
أنت الي أتشيل الجتب يهديب وأنشدلــــك
واللي غزوكم أفلول راح منهـــــم بـــــت
أسود الغاب بالأقفــــاص ما هــــــــــابت
مو عيب السجن للرجـــــــــال لو هبـــت
وسام أبطال يبن أعزير وأنشــــــــــــدلك
ألشاعر
والله يبو فهد أنتوا الفخــــــــــــر والعز
ديوان عامر مضيفك يرتقي بالعــــــــز
من دور جدك سند للمشتكي ومعتـــــاز
من حيث هذا الجرى ما صار بالعالـــم
وهذي الليالي أتعلمنا أدروس وعلــــــم
ومهما إيدور الزمن تبقون راية وعلـــم
للتاريخ سجل مجد بيكم مفاخر عـــــــز
يا صاح صفو الحجي طيــــب ملا فيكــــم
ولكل زمن دول مضى فخــــر الملا فيكـم
مقياس ظل الرجل أشكــــال الملا فيكـــــم
جف الخصيم ارتجف مرعوب من طوگك
وأرياح تشفي النفس هبهاب من طوگـــــك
ترحاب فوك الهلا للضيف منطوگـــــــــك
أبن العزير ونعـــــــــــــم عزوة الملا فيكم
الأديب
لي لامتن طيبة خلفة أعـــــزير منجبهم
مناهل الطيب وأروي اظماي من جبهم
فضاضتن للمشاكل مدين من جيبهــــــم
وما فاتهم من سوافي الطيب سنا لهـــــم
من ولد عكلي على الدشمان سانلهــــــم
سيوف هنادي بيوم الكـــــــــــون سنلهم
يمن الخايف بذرهم لكل مزبان منجبهـم
بيت زهيري(الفقير)
بيت زهيري (الفقير)
الفقير الذي سمر الليالي بعض مجلدو النحيف ابردن
اوساتــــو ذراع وذراع يتغطه بـــــــــــردن
لـــــــو جان جوهـــر حجه گالو عليه ابردن
ذليل يگضي العمـــــر مابينهم لـــــــــــومات
والنــــــــاس كلمن يجي تاخذ عليه لــومات
هذا الفقيــــــــر وابد محد بجه لــــــــو مات
الجفن بالــــــــدين ودلال العزيه بـــــــــردن
شيخ المراجل صفا ومحد علي دلة
ابراهيــــم أبن العطالله البلفهم دلة
كالو جلو الذيب خـــافوا يلتكى بدلة
وشيوخ سكتة ولا بي طالبـــو كدرو
الجانت تهابو الحكومة وتعـرف كدرو
حزين هسع مضيفو وموكـدو وكدرو
وتأبى الفناجين دونو تخضــــع لدلة
غالي انته ماجان شخص يعادلــــك بالغــــــــــلا
ومن جسمي كصيت تا تشبـــــــع يول بالغــــــلا
خليت قلبي بجدر ليما تــــلف بالغــــــــــــــــــلا
وجرح الجرحتو ابد لا تضــــــــــن طـاب ولام
وخزن عليه بقهر فــــــــــوق الجــــــــراح ولام
بلمبارك عليك الردي انــــــــــــت عليــــــه ولام
والباعني بالرخص ما اشتري بالغـــــــــــــــــلا
...........................
مالك يسأل قلبه :
يا قلب سلنا هواهــــا وحيــــــــــــل ذلينا
وماضن ذكرنا قلبهـــــا بيوم ذل لينــــــــا
ال جنا نحسبها كبـــــــــل ونكول ذي لينا
قلبت نفسها علي وعيونها لغيـــــــــــري
وغيري يعبرات بدليل الهظم غيـــــــري
وغيري يروحي بقهر من كل عرس غيري
ولحد علينا يقلب بنوب ذلينـــــــــــــــــــا
قلبه يرد عليه :
روحك يا مالك كضت اوصيك فد وه لها
زيدها مرار وقهر وسموم في دلهــــــــا
احبها وهواها حكم حكام في دوه الهــــا
ان جان املها امل روحي وتاليهــــــــــا
وردة وثنيت العمر مهموم تاأليهــــــــــا
انطبنا يمالك صبر تا شوف تاليهــــــــا
وان متنا عادي ترانا نموت فدوه الهــــا
ومالك يخاطب نفسه والطبيـب :
قلبي بجفاهم تلف ونعاب مات اصبـــح
صحراء ليل وغرب وشموسو ماتصبح
ياقلب ظل بحزن للموت ماتصبـــــــــح
سعيد وانت الولف شو خان شو ورني
راح ونساني ولا بجفاه شاورنـــــــي
ترى جابوا طبيب وبجا وبسكوت شاورني
اسكت وخلها اذا مسيت ماتصبح
(( فاجد غوالي ))
فاجد غوالي اذا انغثيت سلونــــــــــي
حزني عليهم مردني وحيل سل لوني
عل عين حاجب ولا مر يوم سلوني
جلماتهم عل قلب من كل غثه تباري
حيث حجيهم ذهب والماس واتباري
الناس تركب هكبت العيد وتباري
وانا اركب غياب كل ماطيب سلوني
يازين طعم العسل مخزون في شفتك
روحي عليه ترد لو لا اتحكل شفتك
شفتي تعاسه واسى وانت الفرح شفتك
وكل ما اخلص حزن حزني عليه يعيد
وانجان ما صدكت حاك الجروح وعد
صايم ولا افطرت من مر عليه العيد
ايصير اعيد وانت هلال ما شفتك
يا ليل امانه مع النسمات ودلهم
مني سلامن وكل الخير ود الهم
احنا بوادي صفينه وصفو وادي الهم
ويا قلب انسى نسوك وما يونولك
لا صرت ميهم ولا هم ماي ونه لك
اضعو ضعنهم يخايب ما يونولك
صارو الغيرك ولا عد اتحضه بود الهم
مالك عند وفاة والده .
گلبي الگبل مايون بجفاك وننته
وضنيتك انته الفرح ثاريك ونه انته
مامش طيوفك واباري ابشوگ ون انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاگ اشوفك ولو مشوار لو لحظه
وين انته روحي دنت عالموت وين انته
جابو طبيبي وجيك نبضي وعدلي
ماسر دليلي ولامنجذب واعدلي
دواي ومناي كربك ياترف عودلي
وياي وياكنحذر شامتي وشامتك
ونت التنكر ت الي وروحي اشتهت شمتك
من يومفوك الشفايف لاحضت شامتك
حار الحكيم وكتب ينحال طب عدلي
تلهم يقلبي صبر لعيون من تلهم
ما ضلك أعروك يا مسكين منتلهم
شدّوا عيونك نكـس زتوك من تلهم
خلوك مهموم ها يم في دجى حالك
ناديتهم بالعسر ما حوموا حولــــك
دور وطي النفس حاله مثل حالك
وترك هواهم هذوله أكبار منتلهم
يامن صدودك تلف مني الدليل وبرى
ساهرتلجلك ليالي اركب خيالك برى
سفان بحرك ولآلي من دليل وبرى
ويومننويت الهجر مايمنعك ثاني
أمسيت مسجون مازال الفرح ثاني
هاك اخذجرحي المضى عود اجرح الثاني
ايصير تجرح جرح جوى جرح مابرى
خايف من اهل الحسد لا يــوم يعيونك
وانته نهر للحلا ما جفـــــــــت عيونك
رقــــــــه وجمال ونبل ما لاح لعيونك
اي وحق ربك ما شفـــــــت انا بعينك
منصوخ نصخت حسن بيـه الله يعينك
بس من اتدحك علي دحك بنص عينك
ما ظال عندي قلب يتحمــــــل عيونك
*غزلي بغرامج تخربط منهو اليرتبه
لاني بحفره بهواج ولاني برتبـــه
الهج باسمج ولا بانت علي رتــبه
واي اسم غيرج على الساني انه محرمه
والشخصج بهل قلب دون البشر حرمه
عاجبني طولج اذا تمشين مو حرمه
أمر لواء وخطم بس عايزج رتــبه
ألروح جانت گبل أسباب وانهنتي
وهساع بجفاي شفتي الضيم وانهنتي
شگد نصحتج واوجه بيج ونهنتي
مافاد بيج النصح گلبج علي منگلب
وجفي بسجل العمر مابي فرح من گلب
شفت أنه غيرج بنت وحبيتها من گلب
ويومن علي گربت دحگت وانهه انتي
مالك يحاور صديقه برهان
مارحتي هاذ الگلب بوصال مرنتي
ومرنتي گلبي على الهجران مرنتي
ردنه تمرين مره بشوگ مره انتي
ماردنه منج ذهب بس شوف وجهج بس
وشحيتي بمواصلج ليما هرشنه يبس
حلو وشبيه الگمر وخدود تسحر بس
مره انتي رغم الحلات البيج مره انتي
ضنيت حبك من الاحزان سلم لي
سلمتو گلبي وعذاب وضيم سلم لي
ان جان انته يساهي العين سالم لي
خلهه تجره علي بلضيك گصابه
فدوه لشعرك عليه تلوگ گكصابه
انته لمثلك شبيه السيف گصابه
والي بهاون ويگع ان طاب سلم لي
ماغاب طيفك عن عيوني ولا تنور
ولمن نجي على الصدك تميل وتناور
وكلما اكلك ذبت اتكلي اتنة ور
قلبي بهواك والك بيتن بنصة عمر
وصدك شما ابلعو يا منيتي بلعو مر منة
منة تقل حلاة البشر كلما كبر بالعمر
بس انت طبع الكمر من تكبر تنور
ضليت انوح بحزن مهموم انعي وأرد
على هالغوالي الكبل جانولي مثل الورد
اغرف اغرف يقلبي من بحور المرار وأرد
ليما يسلك انين بجاك والاف افة
ما اطلبت ضعنهم حيفاً علية وأفة
يا دار اهلنة جذب لولج معاهم وفة
ماجان بيجي نبت عكب الغوالي ورد
الغيري يغالي صرت وانتة الجنتلي ورد
وضليت بس وحدي ابجي وانعي ورد
غصبن علي اجي العرسك واسلم ورد
واضحك ولو هل القلب نابات بس لاكن
وبقلبي اكول بحزن ريت الجرة لاكان
ما هي قليلة علي يا منيتي لاكن
مجبوراهني واجي وانثر بعرسك ورد
انطر خيالج واساهر وانتظر وابره
طعين مالي دوه وبشوفتج ابره
سووف هواج الگلب مثل القلم وابراه
وادعاه ناحل سجيم من القهر بس سلج
ومايوم هذا القلب مال إل بشر بس إلج
تدرين ليش من اشوفج انشده بس الج
لانج مصيبه وخصرج ينلظم ببره
يمه رماني الهوه وحيلي بده محلل
ونارن ابدمي اسعرت ماشافهه امحلل
ناديت ولفي تعال ابشوگـ وامح الليل
واگرب عليك النبي والواحد الأحد
وزيح همي البده من اثنين للأحد
واني ييمه إن متت لاتتهمون احد
چتالي ذاك الترف ماهوب ومحلل
يابو فصالن حلو والحجي بيك انملح
اشماطال جورك علي صابر عليك وملح
دحج عيوني انعمن من السهر صارن ملح
ولمن غرامك جوه قلبي ودمعي انهمر
جربت نار البعد عنك يول ونه امر
يل عينك مجاهد شرس واني دليلي همر
بالك علي تحترف لا تغدي قلبي ملح
من لون عين الترف غارت جميع الخضر
ولشوفتو من الدمع صارن زياكي خضر
مرات انخه النبي مرات احشم الخضر
يجمع شملنه مع الشوكو هدم حيلي
وبعيني من هالبشر غيرو فلا حالي
بله ماهجم بيتي وجتلني ولاعب ابحالي
غير النواهي الشكر اهل العيون الخضر
مالك الحزين
حسنك چتلني وصرت لفراشي املازم
حيث الذي گابلك يلبس درع لازم
لازمني حبك مثل لزمت خبل لازم
واني ولاينوصف حبي و ولاعي بك
وغالي عليه تظل انته وألاعيبك
انته يزين النبا تدري شنو عيبك؟
مشكلتك انك حلو زايد إعن اللازم
جنتي بربيع العمر للورد ريحه انتي
وجنتي إلدليلي الهفه من الدنيه روحو انتي
ماصرتي مره ابفرح لصباي راحه انتي
ميتين وانتي النفس ردناج شهكت هوه
ؤوريتي قلبي الوكع وابحر شوكج هوه
يل جنتي حلم العمر اول وآخر هوه
روحي انتي حبج دفنتو ومات روحي انتي
مالك لحزين
ابعث اشواقي مع الراح ومعاليجي
للي ترك بل القلب نارن معاليجي
ياعين غمضي الجفن ليجي معاليجي
للي نودو جذب مايوم ودانة
وابحبو جتلنة جتل للموت ودانة
كلمن وليفة معا ايشوفو كل دانة
واني ابتليت ابهوى مرد معاليجي.
مالك الحزين
كصت شعرهة الخلك بس مو مثل كصتك
وماشفت بين البشر طولك ولا كصتك
جن انته والة انس كلي شني كصتك
عجبني طيفك معاي ايبات عجبني
وكلما اروح ابدرب الكاه عاجبني
تدري انته شنو الفتني وبيك عاجبني
عاجبني كلك حلو من جدمك الكصتك.
احنا سيوف للدين هو حدنا
مايوم خفنا من الكلفات او حدنا
احنا ذياب الدجى ونحول بلحدنا
وماصار منا ابد بالناس والكون
ونكول حقنا باليمناة والكون
انخنا لو حشمت وساعة الكون
نفني العمار ولا عادي يطب حدنا
مضروب حربات ابليل وخلو انزف...
ويزفلي عبرات وكت المارحمني انزف...
الصبر ملني وجهة عن الصحيح انزاف...
وطرفي ابحلم العمر يادنيتي طرفي...
اجناح الزعل فوك الكسر طرفي...
امبلة ليل المطاعين ليلي وما غمض طرفي...
من كالت الناس ولفك بالخميس انزف.
ومن صرت للغير هم بالجبد حالي...
ومن همل الدموع عيني سوادهة حالي...
انته بالعين غيرك ماشخص حالي...
وانته الوحيد العلي يقرة القلب ونته...
جسمي تناحل متت باد العزم ونته...
انة تقلب على نار الجمر ونته...
ابحضن غيري ولاتدري اشجرى ابحالي.
حايط وطنة ارتمة ومابيدي شي بنا...
واصبحنة تالي ولايراد شي بينا...
معدن تميز طفلنة وشيب شايبنة...
وبس الله يدري وسط هذا القلب شيبات...
عدل ابنصة مجال وجملة شيبات...
بالك اتحسبة كبر بينة شفت شيبات...
من كثر هم العراق اصغار شيبنا.
يا وطن تبقى جبل ما يوجد ابطالك
وعبوة ابوجه العدوا اشماراد ابطالك
ابشر ابقرب النصر وان ربك ابطأ لك
واعلم بأن امتحان وغربله الناسك
اولا تحس ان رب العرش ناسيك
ان جان مرك غثه وجمر الهضم نسك
باجر اتهلهل بناتك فوك ابطالك
نخيت ما قصرت كل الحواليه
ليه النشاما ليه اهل الرحم ليه
حيشوا هذاك الترف بالين باليه
اوما فاد ويه هلك واصبحت مو ليه
اولا جاه ينفع ولا عد اتفيد ماليه
بلا ياعين موليتي ويا عين مو ليه
للغير صرتي نصيب واني القهر ليه
روحي سواها القهر همهة محاريهة
من غاب عني شذر عيني ومحاريهة
منك تحريت بس هاذي محاريهة
تاخذ اعزازي وعليه حكمك وكتي دار
وتصبغ اهدومي عكب لون الفرح بالدار
امشي وسكت الحزن بس من اجي للدار
عبرة اتخنكني اذا جيت ابمحاريهة
هملني يالايمي هم سلي وبراي
هم لجلهم نطارة اسنين وبراي
اشوفهم بس صحوا بالنوم وبراي
مرة يوممن دحكت مالي بنن ابدلهم
العقل مني شرد والحيل بادلهم
امبله اتلوم بيه الخلك واتكول بدلهم
ابدل ذهب بالصفر مجنون ابرأي
دور ابدينك يغالي الروح بيدينك
أنك تجافي الذي مديون له دينك
وبالعجل جتي النهايه اوتونه بادينك
ووريت قلبي ولا على الماي تحضرني
واطيوفك ابشوك كل مشوار تحضرني
جانت امنيتي كبل ما موت تحضرني
اتغمضلي عيني يساهي العين بيدينك
(الوطن يسأل مالك)
لو عسعس الليل اشب وادور ولف
حسبات قلبي عقد ما بين ميه ولف
جرحي تحفر مابيه اشد ولف
ومنوسر يدمع الحزن بالعين تاسيلك
ومسعد يمالك كثيرة اقلوب تاسيلك
حرام مالي شغل مريت تا سيلك
حزن المضيع وطن مثل المضيع ولف
(رد مالك للوطن)
لو عسعس الليل ما نلطم ونوح وطن
ناي المفارك هلة وهموم وزنه وطن
على هالعراق الذي اجدام الاعادي وطن
ارضه عكب ما زهة ويا حيف زرعه يبس
اوما مرة زار الفرح على اوروده وبس
حزن المضيع ولف يكضي وبسيطه بس
حزن الثكالى يخي حزن المضيع وطن
ضحكه حبيبي دوة الجرح القلب ان شفته
وعينه وسيعه ومثل لون الجمر شفته
ولفي احله من الكمر طعم العسل شفته
الكمر ماله عطر هيل ومخلوط ابان
ولا طوله طول الرشا ولا غصنه غصن البان
الكمر لوما الشمس ما لاح نور وبان
واني الشمس تستحي من ولفي ان شافته
اموجل من اهل الحسد لا واحد ايعينك
ويا قلب على هالولف ادعي الله يعينك
شبهتكم بالكمر وادريك مو عينك
الكمر ماله شفه ولا هو هيئه ملك
لا له صدر لا خصر ولا يمشي مشيت ملك
نفرض انكول الكمر كل المحاسن ملك
لكن يغالي الكمر عنده مثل عينك
لليوم جرحك عميق بالقلب عالم
ولا فاده اضماد لاطب ناس لا عالم
اهواك والله الخبير ابنيتي عالم
ورغم الي صار وجرة لك ابدليلي نفس
ذيج الغلاه الكبل غالي ابغلاه النفس
بله حقك عليه جنت يازين كبرت نفس
لو اني ابحلاتك فلا سولف مع العالم
مت ابغرامك صرت يانور عيني كحال
الغريج الذي جلب ابجشه كحل
نته مصيبت حسن من الشعر للكحل
وحسنك يغالي مثل سيفن ضربني فشك
صدري ونزل عالقلب هم وصلتين انفشك
نته بليه كحل عينك اتنثر فشك
تريد اتهمدنه درت فوك النواظر كحل
ياماخذ من الكمر لون اخديدك ومن غزال
البر اخذت اللحظ وي خصرك المنغزل
حاير ابوصفك شكول من الشعر من غزل
اتمنيت عندي جنح فوك السمه واركه به
وانطر خيالك واظل طول العمر اركبه
حكو اليلوم اليلوم القلب ماشاف ذيج اركبه
ولاشاف شعرن من خيوط الشمس منغزل
الله يجازي اهلك بحراب خلوني
وخلوني اتحسر على ملكاك خلوني
اسوو دليلي ابجفه وبالعكل خلوني
واسكنت طول العمر جوه الحشى اه إلك
منهه دليلي ذبل ما اطيب راح اهلك
ماني كل يوم اذل النفس وآجي واكل لهلك
خلوني اشوفو كبل ما اموت خلوني
مالك الحزين
خشفن نحرني ابسهم عينو ولا طيب
دليلي المشتكي الهايم الطيب
لمن لحتني ابسهم من نظرتك طيب؟
مافكرت انتهي ورمشك ابچتلي سهم؟
حگك اذا هو الگمر من نورك آخذ سهم
بالله اني مو مشكله صدفه ولحتني ابسهم
لكن اريد اسألك عن جاركم طيب؟
زهيريات جميلة
جرح ألبگلبي خفي محد يشوفه أندفــــن
وبحشاي يلهب جمر يسعر ويطفي دفــن
ألحزن مكشوف بس خليت منه دفـــــــن
حگهن عيوني أنبچن ودموع منهن ظهر
ومثل ألغريب أصبحت لا لي گرابة وظهر
الچان لب الحشى وحزام لية وظهــــــــر
من بين إدية رحل جوى التراب اندفـــــن
..................
حضنا تجدى وجميع الناس لامتنـــــا
والهامدين الكلب يجواد لامتنــــــــــا
البارحة بالفرح وايسار لمتنـــــــــة
واليوم جلل علينا الحزن والويلــــي
دار الفلك بلاش والويلـــــــــــــــــي
ما نطري اللاشات لو زادت على ويلي
تا يشهدلنا املاح البيض لي متنــــا
ياداعج العين ياللي من هواك انهــــــــــار
دمعي ملا مهجتي وفوك الخدود انهــــــار
لوخيروني انا بجنان فوك انهـــــــــــــار
ما اختار غيرك ابد بيك انت وحدك اجـــــن
هاك اخذ روحي الك من الشعر انهل واجن
طيور السعد لوتجي وياك كلهن اجــــــن
هايم اظل ياترف بهواك ليل انهـــــــــار
فاركت خلن بوسط احشاي مسكنهم
هتو دليلي وصفيت اليوم مسكن هم
ياحيف ربعي زمان الشوم مسكـنهم
اضحيت من عكبهم ماعرف شنهو الجرى
تاهن افكاري وعلى الوجنات دمعي جرى
طـالبـت ربـي الصـبر مـازال هــذا الجـرى
الفـاركتــهـم يـظـل بالـكـلـب مسـكنـهم
شجاك يابس صرت يالخابرك جَدْوَلي
چثير كبلك سعوا ولرضاي جَدَوْإلي
مجنــون اصيح بهلـــي ياناس جِدُوّلي
وهاتــو الغزاله العـدت في ثغرها لالا
لومتـــت ما اندفــــن الا بكتــــر لالا
من ماس صدره جبل وتصيح بي لالا
مو بس يونس إلي حت جد جَدُّوُلي
قصيدتي الحمراء : رسالة الى خائن العراق
يالخنـت العــراق وســلبطت عالعـــار
وصرت امريكي تشهد هذي جنسـيتك
مثل طبع الچلـب تحمل صفات حمــار
انا مغســـل عليــــك صخـــام تاليتــك
ولســــانك مذرذب من تــذب اشـــعار
تريد تغشــنا يالغشــيت أهل بيتـــــــك
صـــرت ويَ الكفـــر ومحارب الثوار
كـــأن اُمـك علـــى الثوار ناخيتـــــــك
تـــرى بعض المخـاول ذبة المســمار
انهجــم بيت ام خوالك بهدلو صيتــك
وعمت عين الخيانــه الخلت المزمار
يصيــر أيــدام عفن تلمـه صينيتـــــك
وصرت ذرة شرف ما تملك وسمسار
وعلى عرضك تبدي سـموم جدريتـك
يا ابن التــي ما نخلقلهـــا اعــــــــذار
ماصــانت ابوك ,, ولاصـرت ياليتــك
ياليتــــك وگعـــت بآخـــر المشـــــوار
ولا شــــفنا الخيانــه فوگ صاريتـــك
وتمثــل انك شـريف ابن العراق البار
ولك اســـكت فقدت اعصابي وجيتــك
انا ابن عمومتك وگــــول ياســـتار
لأني يدوس حــواف طاگيتــــك
صايرلـــي بطل ومســـنع ومغـــــوار
ألعـــن ابو عگالـــك لابو خاچيتــــــك
وإذا ردت الحچـــي اگوى يديـچ الفار
احضرلـــك گصيـــد يتــاوي ذريتــــك
إن شــهر تموز عدّى اوصلــه بـأذار
رزايل والله اشــــبعك عندي تغذيتـــك
يالخنـت العــراق وســلبطت عالعـــار
وصرت امريكي تشهد هذي جنسـيتك
الله يرحم شهدائنا وادخلهم الله في جنات الفردوس
اتهمــل عيني حميــد وما تلمنـي الگاع
وكــــل لحظــه التمر بينــا تبچّينــــــــي
اروح وارجــع لرسـمه الحلـــــو كلساع
بلچــي تغـــار عينــه من دمــع عينــــي
انا طمــــاع فــي وصلــه" انـا طمــــاع
ورغـم موتــه اريــده يثـــــور ويجينـي
لان هـــذا الأميــر اللي تهابــه ســـــباع
ولان هــذا شقيقـي معاشــــــر ســـنيني
عطــــر زاچــي حديثــه لو لفا هالربـاع
ومثــل غيــم وبــرگ باللليــل يلفينــــي
أتأمــل كلامـــه يـردده كـــــــل ســــــاع
يگلـّــي شـــــد يا يونــس شـــــــراييني
ترى جرحي غميـج وعضعضني ضباع
بوســط بــغداد" وماكــو من يداوينـــي
افـــك عينــي يخوي وما اشــوف قـلاع
وين الشــويخ راحــو جرحــي ياذينـــي
اوصيكــم وصيـــه مـــن الزمن خـــداع
ذهــب دمــي هـــدر والنــاس تدرينــــي
مـا آذيـــت نملـــه بريحـــة النعنــــــــاع
ولا آذيـــت مــن بالنــــار يرمينــــــــــي
اتهمــل عيني حميــد وما تلمنـي الگاع
وكــــل لحظــه التمر بينــا تبچّينــــــــي
الإهداءات
04-01-2012 ~ 05:48 PM
رد: زهيري عراقي 2012 اكثر من 100 بيت زهيري 2012 شعر شعبي زهيري 2012
العرض العادي
المواضيع المتشابهه