****عاجل عاجل عاجل رسالة مهمة الى الجميع صلاحية الرسالة يووم واحد وتنتهي ****

( بـــــسم الله الرحمان الرحيم )

سلام من الله عليكم ..

ابدأ كلامي بذكر لله العزيز الحكيم ، وصلاة والسلام على خير اشرف الخلق ( عليه الصلاة والسلام )

أما بعد ..

أبدأ رسالتي بكل كلامات الحزن والدموع الحارقة وقلب مكسور الى وطني وشعبي الحبيب موطن الأسى موطن الجروح موطن الحروب والكروب بلد الرافدين ( العراق الحبيب )

شعبي العزيز ومع كل الظروف التي يمر بها وكل الالام يبقى اسمك ايرفرف بكل الاوطان العراق .

اصدقائي ، أخوتي, أعزائي . شعبي العزيز ..

مع اقتراب شروق ضوء الشمس الجديد ، و رياح التغير ورفع راية الانتخابات في العراق الحبيب ..

ولكل عراقي شريف ونزيه ومحترم .. لقت جائت الفرصة بعد 8 سنوات وبيدك مفتاح التغير الان .

اسمحولي ان اعبر بلغتي الاصيلة العراقية لان رسالتي تخص الشعب العراقي فقط .

اخواني هاي فرصتك الاخيرة ولا ضيعهة ولا دكول والله ماكو نتيجة وما أنتخب والعراق راح يبقى بيه تفجيرات وقتل وذبح وما تصفى بالعراق ابد .

أخوي العزيز اسمحلي اكولك انت على غلط وحشاك من الغلط مع احترامي الك بس اذا ما تنتخب أنتة وغيرك همين قافلبن على نفس الموضوع ، وشخص اخر يكول اروح وخلي علامة اكس لانو محد يستاهل كلها تبوك وحرامية .

تاج راسي انتة أعرف انو بتصرفك هاذة المتدني أذيت الشعب العراقي بكاملة وكذالك ضلمتة وما حترمتة و أنت رايد الخراب والتفجير والارهاب و الفساد بالشعب العراقي ..

ياخي لعد على أي اساس أنتة ما تنتخب والله أنطاك عقل يعني تعرف ، البذرة من تزرعها بالكاع وتنطيها مي راح اجيبلك نتيجة وتطلعلك وردة ثمر جهدك كذالك الحال بالعراق من تطلع تنتخب وتختار الانسان الي انتة مقتنع بيه انو كد المسؤلية ويكدر ينطي للفقر خبز ويراعي كل ظروف العراق ، أني من هنا أكولك والله أنتة شريف بكل معنى الكلمة لانك عرفت شسوي ونت بطل وبارك الله بيك .

وهسة الي كاعد يقرة رسالتي ويكول والله انتة تعبان وبطران وهاذة كلامك نكعة وشرب مية ، اكولك اشكرك حبيبي وما اكلك شي ثاني اخليك حسب عقليتك وثقافتك وحترامك الى وجهة نظر الناس ... بس

بس أتأكد أنت يوم من الايام راح تقف امام الله ( عز وجل ) وراح يحاسبك شلون ادليت بصوتك اذا انطيتة الى انسان شريف راح يحسبلك اجر واذا انطيتة الى شخص ما يستحق راح يعاقبك يعني مثل ادكول والله هاي ابنية حلوة ( صاكة ) خل انتخبهاونت ما تعرف عنها كلشي ما تعرف المن تابعة والى أي تيار او حزب او كتلة وهية ما تستحق راح يعاقبك الله على هاذة صوتك . ،، انطيك مثال على الي حجيتة ،، يعني من تنطي فلوس للفقير الله راح يحسبلك اجر ، ومن تنطي فلوس الى أمرة موزينة لكي تفعل لك الفواحش فهنا الله راح يحسبلك أثم ويطيح حضك بالدنيا والاخرة ههههههه .

فيا اخواني خلاصة الموضوع اصواتكم مهما كلش ومن اجل اليتامى أنتخب ومن اجل الفقير ومن اجل الجريح أنتخب ومن أجل العراق وعلم أذا ما انتخبت راح يصير تزوير ويفوز الظالم ويظلم الشعب العراقي ..

أسف اذا طولت عليك تاج راسي ، وأن شاء الله موفق .

واخر كلامي ربي أحفظ الشعب العراقي بعينك التي لا تنام .

بقلمي ومن حركة كلبي وحديث الشارع العراقي كتبتها والله .

أخوكم الوحيد صادق .