أحبك .. أحبك .. ياهي تختار

احبك لو احبك ياهي تختار
واذا تختارهن مايكفن اثنين
لان بيه انت كلك طول بالطول
من امشي انه اشوف بصفي اثنين
عندك نصي ضل والثاني وياك
وماكو انه بقيت بعدك اسنين
بالف عين اريد اشوفك من الاكيك
متكفي حبيبي شويه عينين
اريد اكلوب املك عشره عشرين
كلب واحد قليل ايعشكك اسنين
وخايف درب حبنه يخلص لبساع
موعلى كيف كمت امشي عله كيفين
وتلاكينه ودمعنه ايسولف الحال
وتشابكنه ونحس كلش بعيدين
ماكلك تلاكينه صدك لا
لان بيه انت يعني متلاكين
ماي الشعر يالمحبوبدمعات
وصفت ماي الشعر تبجيلك العين
كل نبضه تدك وانته ماكو
تطعني وحس النبضه سجين
وصار اسنين غايب انته ولهاذ
تعال اكعد ابكلبي احسب سجاجين

رووووووووووووووعة
عاشت ايدك
دوم الابداع
بانتظار جديدك

يعطيك العافية

رووعة سلمت الايادي

لروحك باقات ورد