وعفتني وما كلت حت الله وياك

يوم افراكنه مو هيج بس ينكال

انولدت بي اجروحي وماتت احلامي



لذلك حته نوصف جرح ذاك اليوم

ضروري نكول يوم افراكنه الدامي



وتفاركنه رغم ما ردنه الفراك

وكلمن اخذ جرحه وذكرياته



وصار الليل كلش مو حلو الليل

بعد ما جان وياك اشحلاته



شنسه وذكرياتي هواي وياك

شكل الكلبي المضحي بحياته



جنت منين ما باوع محبين

هسه منين ما باوع شماته



وعفتني وما كلت حت الله وياك

واحس بروحي طلعت يمكن اليوم



اجت يمك او دور غرفتك زين

تطلع خاتلة ما بين الهدوم



هيج اشتاكلك لا واكثر هواي

ومشيت لوحدي ضايع بين الدروب



صدك والله وترد هم ذيج الايام

وارد واحضن واشم اثيابك انوب



جنت منكوب اسمع ما احس بي

صرت منكوب واسمع كمت منكوب



جنت من كوب ايدك اشرب الماي

صرت اشرب افراكك موت من كوب



ويعيبوني لان اشتاكلك هيج

واكولن راضي واعشك هاي العيوب



شنو ذنب المحب عن حبه بعدوه

وشنو ذنب الورد ذبحو رحيقة



وكلت اكضي العمر ويا ونه ادرىه

الوكت باعد طريقي عن طريقه



اطيق الموت سم اشرب ونه اوياك

بس افراك وجهك ما اطيقة



ما بالغ اذه احجيلك عن الشوك

ميت مو حجي ميت حقيقة



مره بكل حياته الواحد يموت

ونه بهجرك اموت بكل دقيقة





لكم مني الود والورد

روعة ما نقلتي لنا عن الفراق
ابعد الهل عن قلبكِ الفراق
تحياتي لكي وردة

روووعة يعطيك العافية لروعة انتقاءك وما اتعس الفراق

هلو طبعا هاي اهداء مني الج اختي الغاليه بس مندهش اب فد شي شلون ادكليلي اني فلسطينيه هههه.............. ( انا مشتاكلك كد ما الي جروح اطيبهن وحس ايفزن عناد تدري شلون حالي لمن تروح مثل حال العراق بليا بغداد ..... يمي انته الوكت مالك غرض بي خليه على الله هي تصفه انا من الكاك اجيب وياي فانوس اعرف من الزمك كلشي يطفى.....فرق عيونك على الوادم هواي لذالك لمن تمر صعبه يمشون بحيث اتبين عيونك كبار واليمك شلع ماعدهم عيون ) تحايتي اختي

ابدعتي ايتها الغالية اجمل ما كتبتي بقلمك المميز
تقبلي ودي قبل ردي

ويعيبوني لان اشتاكلك هيج
واكولن راضي واعشك هاي العيوب




آختي آلغآليه
وآلله آلكلمآت آثرت بيه لبُعد لآتتصوريه
شكراً لكِ مدآد آلكون
تقييمي لموضوعكِ آلرآئع