هي المشاكل ما ينتهي من حياتنا ؟!!

2013-11-08


هي المشاكل دي مش هتنتهي من حياتنا

ده حال كتير من الناس تفضل تقولك كده

المشاكل دي ممكن تكون ذنوب بتحول بينك ما بين ربنا

مشاكل في حياتك عامة

في النهاية المشاكل دي حاجة بتخنقك ومش بتخليك مرتاح في حياتك


مين مفيش في حياته مشاكل الحياة مش بتخلو من المشاكل ؟؟

طيب إنت لما بتبقي في وسط المشاكل دي كلها بتعمل إيه ؟؟

في حل سحري وقوي جدااااا بإذن الله


الحل ده لأي حاجة ذنب مألمك وتاعبك حاجة منكدة عليك حاجة معقدة ومش عارفلها مخرج

بس الحل ده مش هينفع إلا لو كنت إنت فعلا صادق وعايز تحل المشكلة


إيـــه هو في حد مش عايز يحل مشاكله !!!



معلش أصل الحل ده وإنت بتعمله يلزم الصدق فيه أووووي ولو مش صدقت المشكلة بتاعتك مش هتتحل خالص لحد ما تصدق



إتفقنا لااااازم الصــدق



الحل إنك هتجري تجيب السجادة بتاعة الصلاة

كمل معايا أوووعي تمشي إستني بس


وهتتوضا وهتقعد عليها وهتبدأ تتكلم هتحكي كل حاجة مدايقاك لربنا

مثلا هتقول ربنا لو ذنب

يـــارب انا حصل كذا وكذا وانا ضعيف أوووي

انا يارب مش عايز أكون كده انا عايز تنظر لقلبي تلاقي كل حاجة ترضيك

مش عايز أكون تحت سمائك وعلي أرضك وتكون شايفني كده

انا عارف يارب عملت كذا

انا عايز أتوب انا فعلا ندامان بس يارب انا مش هقدر أتوب توبة نصوحة إلا لما توفقني

إلا لما تعيني انا محتاجلك

يـــارب انا نفسي أكون من أحب عبادك إليك

انا بحبك أوووووي


وهتكون صادق فعلا

هتظهر الضعف لله فعلا

وبعدها هتبدأ تاخد بالأسباب اللي عايز حد مش بيرحله بيتكلم معاه بيظهرله حبه

/> هتبدأ تعمل ما بوسعك

وهتصبر شوية هتصبر في حب الحبيب

هتخاف من كل لحظة بتمر عليك هتابع فيها قلبك ياتري قلبي وعقلي بيفكروا إزاي ؟؟

إيه أكتر حاجة شغلاهم الدنيا ولا ربنا

لما تيجي تنام مين أكتر واحد هتبقي بتفكر فيه

هتناجية وإنت بتغمض عينينك بأجمل كلام

وتقوله يا حبيبي مش عايز أنام عايز أفضل أتكلم معاك

لما تصلي هتكون فرحان إنك رايح تعمل أجمل لقاء في الدنيا كلها

لما تعمل أي حاجة ترضي ربنا تبقي هتطير من الفرحة

يبقي مش مهم أي حاجة عندك أد ما مهم رضاه

هتبقي بتتنازل عن حاجات كتير علشان ترضيه ومش حاسس إنك بتتنازل بالعكس إنت فرحان أوووووي

كل ده عناية مركزة للقلب

دخلت قبل كده العناية المركزة

العناية دي بيبقي فيها كل سبل العناية للمريض بشكل مكسف علشان يرجع كويس تاني

وده لما تبقي حالته صعبة

وإنت في أي حالة أوووعي تقول انا مش وصلت للحالة الصعبة أي ظرف ممكن اصلا يدخلك للأصعب لو أهملته

عالج قلبك واحدة بواحدة أوعي تسيبله ولا همسة

بجد بجد بجـــد هتلاقي نفسك مش حاسس بالمشاكل هتبقي بجد حاسس بروحانيات عالية

هتبقي حاسس إن الحياة جميلة اووووي في القرب من ربنا

قلبك لو جاتله حاجة غريبة هيصرخ ويقولك حاسب ومش هسيبك كده

والله عزوجل دايما هيوفقك لأنك صادق ومستعين بيه وكمان مظهرله الضعف

لأن ممكن تقول انا توبت يارب وترجع تاني

لأ إرجع أصدق وإعترف لربنا إنك مش هتثبت إلا بتوفيقه وقوله متسبنيش أعصيك وإنت بتنظر إليه

ولو هفوت تجري علي السجادة وتبكي وتقوله سامحني إنت عارف إني بحبك ومش هقدر أستغني عنك

وتقوم تصلي ركعتين وتبكي وإنت ساجد هتلاقي نفسك فرحت اووووي

هتلاقي حياة تانية خالص

وهكذا في كل حاجة مدايقاك في حياتك

يسلموووو على الموضوع الرائع
موضوع في غاية من الروعة
جزاك الله خيرا
ارجو قبول مروري
مودتي

جزاك الله خيرا على روعة الطرح
بوركت الجهود
دمتي بخيرررر

امول

ـآنرت بِ ـآطلآلتكك يَ ـآلقَ
شكرـاً عميقَ ..

هموس

ـآنرت بِ ـآطلآلتكك يَ ـآلقَ
شكرـاً عميقَ ..

نسأل الله أن يأخذ بأيدينا جميعاً
لما فيه خير الصلاح والاستقامة والرشاد
جزاك الله خير اختي على ماقدمت
جعلها الله لك في ميزان حسناتك
دمت برعاية الله