انه بحبك سياسي وكرسي طاريك

احبك وارد اخلص سنيني وياك
ولا انساك مهما الزمن قاسي

ولان بالكلب مو بالراس موجود
شما دنك الك ينرفع راسي

شقريلك يهل شفّـــــتك ديوان
عيونك غزل وخدودك اماسي

يالشايل اشكد ابوجهك افراح
بكد ما شايل ابوجهي مئاسي

يالما اذكرك بس هاي الاوقات
بصفنتي بصحوتي بنومي بنعاسي

اذا تذكرني اغله الناس اسميك
وذا ناسي اسميك اغله ناسي

انه بحبك سياسي وكرسي طاريك
واخذ من يلطش بكرسي سياسي

وبعدني اتذكرك من تحجي وياي
وعله شــــــــفافك اينكط الصوت

واكابر بالحجي وما كول مشتاك
بس وكت الصدك مشتاكلك موت

يالماخذني غفلة تريدك الروح
وبخت كلمن يمر خطار بالموت

تعال ارسم سنيني شلون متريد
اريد المهم بس وياي خليك

راضي وهم احبك راضي وياي
واذا تزعل ابوسنك وارضيك

اوديك لصفنتي وارد واشتاك
بعد متكلي خايب وين اوديك

كلت ما احضنك كل عقلي لو جيت
انه امن الشوك خايف لا اجويك

وذا لا قدر الله وكلت فد يوم
انساني اعله كيفك راح اخليك

انه مطلوبلك كل عمرى بالدين
تدرى شوكت اعوفك؟ من اوفيك

يسسلموـأٍ علىا ـألاـأنتقاء ـألرائع
بوركتِ وحييتِ وـأكاـأيل الوردِ
لحَ‘ـضرتكِ ننتظرـر ـأبداعكِ
مودتيُ

روعـة .,
أبدعتي بطرحكَ يالغلآ ..
كل الشكر لروعة مآخترتي ومآننحرم من جديدكَ ..
أحترآميَ

يسلمو علىا هذإْ النثر الجميل
راق لي جدأأ يعطيك الف عافيه
بنتظار المزيد من ابداعاتك
بششوق وردي قبل ردي