ديوان مشاعر حطمتها الخيانه

قصيدة كافي منك

كافي منك

كافي قربك

كافي ذلك

كافي قهرك

لا تكلي اني احبك

اني اعرف

انته تنصب

اني عمري بيك انحج وبمتحاني انته ترسب

ليش اكتم؟

ليش اصبر؟

ما اريدك

ما افيدك

انته تكذب

لكن اني دوم اعرف انته مسقط للخيانه واني اكتب

اكتب اني شلون شلتلك

شلون رتك

شلون خليتك فرح لايامي صغتك

وما اريدك لو تكلي اصبح رماد تراب رجلك

وما اكابر

وما اساهر

حبيتك اني وصرت عيني وبالخيانه صرت شاطر

ليش مو اني حبيبك ليش انته شلون كافر؟؟

هذا قلبي ومسح اسمك

ومسح رسمك

وما بقت ذرة مشاعر

يلا انسه حبي كله ما اضل صابر لباجر

وانسه حبنه الضاع كله ولا تكلي انته مشاعر


بقلم زيد العراقي

تحيتي لكم اخوكم زيد

قصيدة حزن العشاق بقلم مشاعر

يل رايد تروح لحزن عشاق اوصيك بحبيبي هناك خليته

كاتبله دمع من دمعي من يسيل كلمة اني احبك حيل هذا بكل بساطه الاجله سويته

وكاتبله اني مشاعر واحبك حيل حته بكلبي شلته واني خليته

وذكرني القلم من هسه اكتب بيك حته الشعر لجلك اني حبيته

تدري الكلب يحبك ويموتن بيك ينزف من جروحك ليش خليته

صبيتك فرح بالحزن من يصير وكلبي بكل سهوله لاجلك نطيته

وانت بيوم هجرك تضحك وفرحان وقانون بحياتي حزن سميته

لا يا كلبي انسه ولا تحن فد يوم صدكني كتااااب وهسه سديته

صدكني كتااب وهسه سديته

تحياتي مشاعر حطمتها الخيانه

نادم لما حكيت في وقت الصمت بقلمي

يمته اعيش انا مثل باقي الناس

يمته اكون او لا اكون

انا طيب انخدعت بالاحساس انخدعت لاني بالوفا عامل

انطعنت من الي كنت اله عون انجرحت من الي طيبت جرحه

مع اني بحزني باني اله فرحه

انا وحزني جالس وحدي ليالي ارسم انا فرحه في خيالي

يادنيه شوفي هذا حالي خاواني حزني للمات

قلبي الحطمته الاهات اني حزني ما وصفته كلمات لان عيني سفينه للدمعات

يا دمع العيون كاافي بيه الم واحزان هذا بيديه

يا دمعي يسيل انا فرحي ذليل اذا عاتبتك كلامي طويل

بلحظه ضاعت مني كل احلامي

بلحظه ثارت عليه الامي

افرحي سفينه بدون شراع واحزني مدن لما يشبع وايامي انا كلها ضياع

منووو اشكي وشكوتي يتحمل

منوو ابكي وبكوتي يتأمل

فرحتي نهايتها تترمل فارس احلامها لاتقدم

مع الاسف هوه حزني الي ما يرحم

انا نادم من عطيت وما اخذت

انا نادم حكيت في وقت الصمت

دنيه لل لئيم زيده نعم للطيب الم وحقد وغدر ونقم

هذي هيه قوانينها ما تسامح ما تنطي الا لما تاخذ متسامح الا لما تجرح والظالم بس بيها ينجح

كتاب حياتي صفحاته اني كشفته ماعاد لي بالحياة اي هدف

كل شيء بنيته بيدي او رسمته مع الاسف كل شيء نحذف

هذا اني وهذ حياتي هذا دمعي وهذا اهاتي هذا حزني وهذا كلماااااااتي


تحياتي

مشاعر حطمتها الخيانه...........................

ايامي ضياع خاطره بقلمي

هلووو حبايب بعد انقاطعي فتره بسبب الامتحانات اليوم كاتبلكم...


ايامي ضايع ادور على الفرح في مستنقع الجراح قلبي بتلى بيك نذبح

عديت قطرات المطر في سبيل انسى ذكراك

مشيت بكيت بدرب الخطر حتى ابعد عن رياح

قناع الغدر لابسه بوجهك حبك تمثيل وأوهام

اتمنه انساك وانسه حبك شكلك باقي بالاحلام

كنت تتكلم بالمحبه حب الطيبه والاخلاص

تبين كل كلامك لعبه انت للغدر اساس

الخداع كان مبين واني ساكتلك وراضي

انا امامك مثل المحكوم مضلوم من حكمك يا القاضي

على شنوو اني عايش حبنه من اساسه ميت

كل ما كبر جرح قلبي من ذكراه ارجع اخيط

صارت جروحي تشمت بيه لان منها كنت ارسمك

انته فزت لعبت اللعبه الصح وخليتني اسقط بفخك

الله يفرحك بالي اخترتك كله ياخذ باله منك كله القبلك انته خنته لان امن بيك وحبك

راح اسد هل الكتاب كتاب من غدر الزمن وانسه ماضيك الغدار وانسه من عشرتك امل

اني اليمشي على خيوط الامل يتأمل جرحه يرتاح نسيت انساك شنوو العمل ؟ حتى الدم من قلبي صاح

ليش القمر لمن يطلع ما اشبهه الا بيك لمن الف لليله ولليه اقعد بيها اتانيك

ليش القمر بيك انخدع من وصفتك اني بنوره مثل اوراق الخريف كلماتي لاجلك منثوره

ورد جميلي هوه الضلم كلمة محبه منك مسمومه

امشي وابكي على جروحي لان حياتي ملت مني

ريت الموت ياخذ روحي لانه حته الخيبت ضني

عنه سألت وجافني

لمن حنيت وعذبني

من تمنيته نساني

اني الحبيته غدرني

اني البنيته من سنين امام عيوني فلاش وضاع

ضاعت ايام الحنين لان ايامي ضياااااااااع


تحياتي
مشاعر حطمتها الخيانه ...........

اتأمل حبيبي لجيتك سنين

السلام عليكم اخواني اليوم حبيت اطلق قلمي هنا بقصيدة اتأمل حبيبي لجيتك سنين...



اتأمل حبيبي لجيتك سنين واضل متاني كلي اشلون اشوفك

اذا انته الهوه ومحتاج اشمك دوم حبيبي اشلون ترضاها اني اعوفك

اذا تعتقد لمن تبعد انساك ! حبيبي اشلون تمنعهن طيوفك

ربيت وياي من عمرك بالشهور والي بوسات منقوشه بجفوفك

واذا انته جرح وبيك الحكيم احتار اضل طول العمر لا ما ارووفك

لان خاف من اروفك بغفلة وطيب وبعد هيهات ما اكدر اشوفك

مدرس انته دوم انني افتخر بيك ويريت اليوم تقبلني بصفوفك

وذا التاريخ سجل طف الحسين انه اترجاك تذبحني بطفوفك

حبيبي انته بحر والناس تتعناك خليني ولو نبته بجروفك

واذا تعشك لغيري فدوه بس كول

وابد للموت صدك ما الومك بس اذكر الي وكفات وياك ولتشمت العواذل من يجونك

تبقه انته حبيبي وابد ما انساك لان وسط الكلب طبعن حروفكـ

واذا جاني الاجل واتحضر التابوت بعد هل اليوم ما اكدر اشوفك

بعد هل اليوم ما اكدر اشوفك

تحياتي مشاعر حطمتها الخيانة

الى حبيبتي

الى التي عشت ايامي لاجلها الى من رسمت بفرشات قلمهاا ايامي

الى من يتشوق القلب لرئيتها الى الانسانه التي منحتني عشقا لا انسى ايامه

الى الصوره التي ترودني في في صحوتي واحلامي

الى من يعزف قلبي عندما ينطق حروفها ومن هنا... تبدء معاناتي

ويبدء حبر قلمي يتساقط وتبدء دموع عيني ترشف فوق ورقتي

من اين ابدء هل انتي بداية عمري.... ام نهايات امري..

حبيبيتي

جائز لا اعبر لكي عما يدور في قلبي من لوعه وحنين

وأتسائل كيف حبنا بين لليله وضحها اصبح خبراا في خانت النسييان

كيف سمحنا لانفسنا انت نتغلا بغرورناا الذي لم نجلب منه سوى العناء

كيف لذالك الحب الذي كان جبالا يقف في وجه الرياح والااعاصيرر يصبح اليوم جبلا من رماد..

تعالي ياحبيبتي كي نعيد الماضي ونطرق حاضرنا بطوق الياسمين

ونغني ونغرد مثل البلابل والعصافير يامن سرى حبك في اعماق قلبي

واصبح مركزا في جسدي يبكيني ويفرحني كيفما يشاء

من انتي.. بداية عمري ام نهاية امري

ساترك كل المقدمات واقولها لكي بجميع اللغات احبك بكل ما تحمل كلمتي من معنى

سيدتي لو تعرفين عندما اجل كي اكتب خواطري يتملكني شعور وكأني اتكلم وانا بقربك

ويبداء عقلي وكياني وكأني مولود لهذا اليوم

يأخذني بحاسيس واحلام كأني محلقا في السماء

اتمنى ان تنال اعجابكم مشاعر حطمتها الخيانة

اغمض عيوني شوكت وارتاح من همي الطويل

اني احبك اني اريدك وانسه حبــــك مستحيــل

فـكــرت مــرة اعــوفك وما دريت دمعي من البجي دم يسيل

انته صوره برسم روحي لا املها ولا تميــــــل

انته دنيه بنص خيالي وما يجي غــيرك بـــديل

فكرت اكتب احــبك حته ما تعـــب تره تفـــكيري

تالي شالتك عيوني وروحي حيــــل بس اكلك انت شمسويلي......؟؟؟

ياوكــت يالليل هذا البي اعيــش انته حته بكلبي دم تمشيلي

انته مشكلتك حلوو ما بيك عيب

وهذا بعد اكثر يبهذل حالي

من غلاتك شلعت حته العيون

ومزقت كل ذكرياتك وراجعت بالي وسألته لحضه ممفارقلي بالي

ودعيت ربي بيوم مره لحضه يريحلي حالي

كون ربي يردك يجيبك اليه والله ما خليك خالي

بالقصيده استصعبت صوره اجيب بس اكول والله انته الغالي :a_021:


والله انته الغالي

سهرت الليل كله وما كلت سهران

وكتبت هواي عنك وما كلت اكتب

لان انته مصيبه بكل جمال البيك شما ردت اكتب صدك اتكهرب

شكلك انته دنيه واني عايش بيك صدكني العمر من دونك يعــذب


شكلك انته روحي الما نسيتك يوم

شكلك انته حته بعقلي تترسب

وانته بكل سهلوله بكل برود البيك تكلي اني احبك وانت تتقلب


لا يادنيه ليش بهل القساوه وياي تدريني مشاعر وبقلم اكتب


صدكيني مشاعر وبقلم اكتب

بقلم مشاعر

جعلتك اخر السطور


شوق يألمني احساس غريب

لا اعرف ماذا يسطر في بالي

هل هي مجرد عبارت تهفوو في اوقات الحنين اليه

لا اعرف اكاد لا صدق ما يجرفني للحنين

تذكرت اني قد نسيت اوقات حبي ورسخت في مدونتي نهاية حبي

ما انت !!

هل تحاول ان تعيد لي الماضي كفا ماقد نلته منك

اسطر لك سطرين !

يامن ملك عقلي وفؤادي يامن انمدت له الايادي كن بعيد عني

يامن سار على نهج حبي وامتثله الهوى واسقطني برماح الاعادي كن بعيد عني

هل ترى في كتابتي اني قد كنت شجاعا تجاهك

الوسليه الوحيده في مجابهتي لك هي كتابتي

تعرف انك قد رسخت العناء والشقاء في انسان قد راود في رسمك حتى في مخيلته

والان تذوقت ما يكفني

امتثلي كما تشائي فاّن الاون ان اجعلكي اخر السطور

صافي بالك واني واهس بيه جيتك وانتضر شوفت خيالك صافي بالك

وانت الحب ما مرك ولا لحضة اجالك

نسيت اهمومي بعيونك اكابر وحشة اهمالك

صافي بالك

ولا حبك يمر بيه صرت حال السهم حالك

حرام ورودي يمدلل تموت وتذبل كبالك

تعال العطش كاتلها تعال ارويها بوصالك

اكلك كلمة بس وحده ادوخ بيها عذالك

اريد اشتم عطر حبك واكطع بيها اميالك

اريد اركع لاجل شخصك

واحضن غفوة هدابك واسولف بيك للعشاق اكلهم حبه دمرني اكلهم هذا سهرني اكلهم حتى يرضالك

وميهمني اذا يحجون اربط فكري بالك

صبرت هواي ببعادك لاجل عينك اشيل الروح واكفنها بقايا جروح

واسكت كل شيء ما احجي لان ادري الكلب مفضوح يحجي بيك ويه الروح

ينطق بيك بالاحلام ويكضيها حياتة اوهام يكفي بيك يتمالك

صافي بالك .