لجل اثنين
طعنت اكبر همومي لجل ما يرضى علي اثنين
وانا مالي بعد قطع الرحم من خير بـ اعمالي
اذا مـ اكرمت انا امي وابوي ومت شوق وبين
اجل مالي جميل يـ فترض رده من عيالي
ولكني بـ اموت ومادريت الحين او بعدين
ولاخذت بحياتي من طموحي غير امالي
انـّ ادري انـ حزني بدلةٍ سودا وخطأ غالين
وفرحي دبلة الماس وقصيدة حب للغالي
وانا في ذمتي طـّهر الدموع لـ مبرد السكين
قبل مـ ازهد عيوني واقترف شي ٍ على بالي
بياض الثلج في كراسة اوجاعي خطأ تلوين
من ايام الطفوله ريشتي ترتاح لـ هبالي
كذا حزني نشأ بي والفخر ماهو لـ بنت الطين
كذا هانت دموعي والفخر كله لـ عذالي
كذا جرحي غدربي واعترتني ابتسامة لين
كذا ماتت عروقي واشتكى غصني على جالي
حبيبي وانت دولة عشق ماتعرف ولاء ودين
ولو صاح المنادي واعترف بـ سمي انا الوالي
بـ ّحفظك قصة ٍ تروى بمماتي عن جفا الغالين
وعن ورد ٍ نذر عمره وفا للصاحب الغالي
رد: لجل اثنين
العرض العادي
