قانون العشك

العشكَ , قانون

قانون العشكَ

قانون العشكَ

ما مرتاح طبعاً والحچي ميفيد
وبعد ما ظل صبر كافي الصبرته

بالحب تختلف مااختلف وياك
بس عوض كَلب مني الاخذته

مليت انتظر باچر تجي وما جاي
عكَب باچر اجه وما جيت انته !؟

واسهر والسهر ريشه ابمهب الريح
واحس حتى الكَمر عاتبني سكته

وكَلي اشحصلت من عمري ذاك الفات
اذا نص العمر لجلك سهرته

واذا بيه الذنب فهمني خل ارتاح
واذا بيك الذنب رغماً قبلته

يحسدونه شكَثر حسبونه عالعشاكَ
ويكَلولي شكثر من عدنه بكَته

وكَتلهم چذب بس بالاسم محبوب
ومتندم على يوم العرفَته

لأن طبع اليحب معروف عندالناس
صافن والحچي كله ابصفنته

وانت لا تحن لا مثلي هم تشتاكَ
وقانون العشكَ وحدك عزفته

موهيچ اليحب كَلب اليحب ولهان
ولا كَلب اليحب هم هيچ دكَته

كل ساعه احتركَ طافيني دمع العين
وترجع حضرتك ثاني وشعلته

ومثل عالم صرت بس تخترع اعذار
ولعلمك نعم هسه افتهمته

بستانك حزن منه جنيت اهموم
ماجاني الفرح لايوم ضكَته

كافي بطلت رجعلي كَلبي النوب
مااريد العشكَ ماعندي بخته

وباچر لا تجي ودكَ على الباب
مفتاحك لأن اصلاً **رته

وتتندم علي تحلم تردلي بيوم
وخط رجعه چذب سولفهه نكَته

وازيدك بالشعر بيتين مو بس بيت
البومك للصور بيدي حركَته

ورسمك لو طفل والعين امه اتصير
من عيني بعد صدكَ فطمته !!

وخسران اعترف والحب تجاره صار
وبايع مشتري كل شي خسرته

بس ابقه القلم وانت الورق جوّاي

وبكيفي الاريده والشطبته
وبكيفي الاريده والشطبته

تحياتي

عاشت الايادي وتقبلو مروري

عذبني جرحك
تاملت ما كتب قلمك من كلمات اسكتت بها قلمي واعجزته عن التعبير لروعة الاحساس

عاشت الايادي

لأن طبع اليحب معروف عندالناس
صافن والحچي كله ابصفنته


عاشت ايدك على هالوصف

الذى اوقفنى وانا اقرا معانيه

دوما انت جديدك مبهر

سلمت يداك

لقد اتممت روعة الموضوع بمروك الكريم


تحياتي

الموضوع جدا رائع وعاشت الايادي

سلمت اناملك كلمات روعة تقبل مروري

سلمـت الـأياـدي علـى الموضـوع

تحيتـي