آنــــــــــــزف آحــــســــــاس الــشــــاعـر حـــســــــــن خــلـــيــفـــــه

آنــــــــــــزف آحــــســــــاس الــشــــاعـر حـــســــــــن خــلـــيــفـــــه


الاهــداء : الى آمراءه كانت ومازالت حبيبتي . عبرت بقصائدي

خارج حـدود الوطن والزمن حتى اسميتها { روح حــســــن }



آنــــــــزف آحـــســــــــاس



عندي اليله واهس اسهر آوياج

عيد اليله عندي ونتي قــداس

آغمض عيني ماشوفج بالعيون

لازم من اشوف بعين الاحساس

بكنيسه روحي انتي لهسه عذراء

وبصدرج صليب لهسه ينباس

لذلك ماآريدن عالارض بير

آخاف آبير غـيره تذبـج الناس

لان يشبه عفافج مريم بهاي

آجزم يم عفافج كلها تنداس

عينـج مملكه بعيون الايام

ورموشج آصطفت كلها حراس

على شفافج آمس فسرنا آنجيل

لان كل المعاني البيهن الماس

نعم قسيس صـدرج عن قناعات

عـن باقي الجسم ضل رافع الراس

مثل عصاة موسى بطولج آوصاف

وبكَلب السحر خليتي وهواس

طولج كبر طول الخارطه بعام

وحـسنـج للحسن خليته مقياس

الحواجب بربريه قوس نشاب

وبياض الركَبه صفحه آبين كراس

خدودج احلى لوحه بمرسم البال

بمتحف شاعريتي وماخــذه الكاس

يم شعرج عمر ضل صافن الليل

مثل صفنه شجر من يكَبل الفاس

شُـبـه لهم حسنـج مايو صـفـوج

عكسي منرد آوصفج { انزف آحساس }

شاعر والقصيده العندي عصماء

بـدونـج شاعريتي يصيبها آفلاس

الـج بالروح ديــر ومـعـبـد وغـار

لذلك مـن تـجـيـن آد كـَ الاجراس

صـليبج كل تقاطع مـنـقـطـع بـيـج

وقطعآ كل تقاطع قطع الانفاس

آذآ عطشانه لتشربين بالكاس

آخاف بغفله يشرب شفتج الكاس

هـزي بجذع روحي من تجوعين

آتـساقـط شـعـر ومـطـرز بـيـاس




مــع الـــود

الشاعــر

حــســـن خـلـيـفـه




ملاحضه : يرجى عدم نقل القصيده الى منتديات اخرى بدون ذكر اسمي عليها

والملاحضه فقط لاصحاب الظمائر الحيه والاخلاق العاليه ومن يمتلكون امانه آدبيه ...؟

الله الله الله
لله درك يا شاعر الجمال
ارى المتصفح ينطق باجمل العبر
والكلام اخرست حروفي وضاعت مني
كلماتي وصمتت أتأمل الروعه هنااااااا
حروفك راقيه برقي حضورك فهنااااااا
كنت مارة من هنااا ولن اغادر صفحه
ابداعك ...........احلى تقيم فايف استار
هدوء وعواصف

حي الله شاعرنا الكبير
ماشاء الله عليك وعلى روعة ماتتحفنا به
سعدت كثيرا عند رؤيتي للاسمك اللامع هنا معنا
وحي الله من جانا وسجل ويانا هههههههه
دمت علما من اعلام الشعر الشعبي
دمت لمن تحب
سلام

اقتباس:
المشاركة الأصلية كتبت بواسطة هدوء وعواصف
الله الله الله
لله درك يا شاعر الجمال
ارى المتصفح ينطق باجمل العبر
والكلام اخرست حروفي وضاعت مني
كلماتي وصمتت أتأمل الروعه هنااااااا
حروفك راقيه برقي حضورك فهنااااااا
كنت مارة من هنااا ولن اغادر صفحه
ابداعك ...........احلى تقيم فايف استار
هدوء وعواصف

الغاليه هدوء وعواصف

لي عوده هنا لاشكرك بطريقه تليق بردك الرائع

تحياتي