حطولنا اكلات بلدكم الشتويه

:m42::m42::m42: صباح الفل عل كل :m42::m42::m42:

احبتي مع دخول موسم الشتاء
يسعدني ان اطرح موضوع مفيد هوني
وهو ان نضع اكلات ومشروبات شتويه تدفيء وتخفف الشعور بالبرد
متلا عنا الكراويه والشوربه وشاي القرفه وهناك طبق الفته وغيرها كتير
ف شو فيالا نحط اكلات لاعضائنا وزوارنا اكلات سهله وسريعه وبدفي
رح ببدي انا وتفضلوا انتو كمانه حطولنا اكلات شتويه

طبقي هو الفته
المكونات بتكفي 5 شخص
دجاجه وحده
2 حبه بصل
2 سن توم
مئدار كاسة شاي بئدونس مفروم
حب بليله مسلوق مئدار كاسه ونص كبيره
جزرتين و3 حبات كوسا
يلا نطبخون

اولا نسلق الجاجه مع البهارات اهم شي مع السلق حطو بصله وعودين قرفه وحب هال ورق غار
بعد ما منشيل الزفرا تبعت الجاج منحط بهارات الجاج ومنحط ملح


الخضار كلون منسلقون ومنبهرون
حب الحمص منصفيه من الماي تماما

بعد ما تستوي الدجاجه
منشيل منا العضم والجلد
ومنئطعها ئطع زغيره ئد راس العصفور

منحط طبق متل صينيه مستطيله
منحط بارضا الخبز المحمص
وفوق الخبز حب البليله والخضار المسلوق
وفوقون الدجاج المقطع

منصفي ماي سلق الدجاج وبعد هيك منحط ماي السلق فوء الدجاج والخضار لحتا تتكون الفته
منتركون لحتا تتشرب المكونات الماي

وهيكي خلصت
واسم هل طبخه فتة الدجاج

صحتين والف هنا من ايديني انا

:m42: رقه