حيرني جمالك مو طبيعي هواي
حيرني جمالك مو طبيعي هواي
ايه انته بجمالك عمي خيعونك
محد عرف لغزك كلهه داخت بيه
الناس بكد جمالك مايحملونك
عيونك مدري شنهي تخاف منهه الناس
دخت واحتار عقلي بشغلة عيونك
لونك احله منك شعل وجه الليل
وعلى اعناد الكمر يطلع شمس لونك
متونك حيرتني ودخت كلش بيك
اذا اموتن تره اخطاياي بمتونك
رب الخالقك ياملك وصى اعليك
وجم واحد نزل وياك يحمونك
ضنونك مو وهم ماتحجي بلأوهام
انته اصلا حقيقه امحوله ضنونك
خذتني الصفنه بيك وشفت بيك اشكال
وانه بدونك بعد ما ابقه من دونك
شفتك عسل بيهه وخدر بي اللوان
وكلشي انكشف بيك بضحكة سنونك
دلع صدرك حقيقه وبي طعم عشاك
وعلى خصرك مسيقى اتكلك اشلونك
اليحبونك هواي وانه منهم عود
بلكت حتى اصير من اليحبونك
ابوذيات مشيك سكتن السياب
وعلى دروب الغزل ليهسه يقرونك
اكو بخصرك قصايد يحجن من اتكوم
خصوصا لو مشيت الكل يشوفونك