هي وجهه نظر

هيَّ وجهة نظر..مو قصدي اعتاب
أحسن إلنه هواي ننسه ونفترگ
كلمن يسد باب شوگه ويستريح
لا أدگ بابـــك..ولا بــــــابي تدگ
كافي مو كل يوم تجرحني وتــروح
... ... ... هاي ماطلعت محبة ولاعشگ
... أضحك بوجهك چذب وبگلبي نار
واكتم انفاسي بمـــــرار وأختنگ
هواي جاملتك ترى ومنطيك عين
وبعد ماظل صبر عندي ولا خلگ
وآني يبن الناس ماضمها عليك
تزعل انت هواي من حچي الصدگ
انت شمعة وآني صاير بيك خيط
وانت صح اتموع .. بس آنه احترگ؟؟ ..ّ!!!