شنو الفرق بين الولد والبنيه...جيب بطن واضحك هاع

ســلآم عـلــيكم


دأئما يتهم الولد من قبل البنيه على انه هو احسن منها وعآيش حياته ويكدر يطلع ويطب وكلشي يسوي

وبالك عنك اما البنيه فهي المظلومه وشايله هموم الكون كله ومحرومه من ابسط حقوقها ...

بس بعد التجارب والتحليلات المضنيه والشبه مستحيله تبين ان البنيه عآيشه احسن من الولد بهوايه و

كلش متونسه بحياته وتمارس حقوقها الانسانيه اخسن من الولد والولد هو المظلوم والمحروم والواكع

بيها دأئما وهسه راح تعرفون من خلال الاستنتاجات التآليه :


1-البنيه كلشي متدفع الابوها ولخطيبها اما الولد فه واكعه الدكه براسه وبركبته كلشي من اول متنولد
لحد متموت (أكو من بصرف عليها).

2-البنيه تحجي براحتها بالموبايل واذا يعجبها تخلص 4 كارتات باليوم ولازم الطرفين اعلاه يدفعون.

3-بيوم العرس محد يباوع على بدلة العريس كلها تباوع على بدلة العروسه ويكصون بيها.

4-البنيه فاتت من سيطره كبل يمشيها اما الولد فيبزعه بالتفتيش وحتى بالجواريب يفتش.

5-البنيه بالعيد اذا مانطت عيديه لابن اختها الصغير مرح يحجون عليها وراح يكولون زوجها بخيل.

6-بالكليه البنيه اذا اتاخرت بالمحاظره الدكاتره يتسامحون وياها ويفوتوها بس لو ولد يرزلوا كبل
ويطردوا ويكلوله روح كمل شغلك بره علويش جيت واذا جيت مره ثانيه اكسرها لرجلك.

7-البنيه اذا فد يوم معجبتها خلقتها تغيرها بالمكياج الولد ميكدر يبقه نفس الجهره.

8-البنيه اتشيل غراضها بجنطه على جتفها يعني حماية 200% بينما الولد بمحفظة صغيره وبجيببه الوره يعني قابله للخمط بسهوله تامه.

9-البنيه اذا تعاركت ويه ابوها مرح يكدر يطردها من البيت وراح تبجي شويه مل جذابيات يعني وراح ينكسر كلب ابوها عليها وهو يجي يصالحها بس لو ولد كبل اطلع بره شوفلك مكان تنام بي برررره.

10-نجي للقسم الاخير وهو يتكلم عن تدليع البنات من اول ميجون لحد ميموتون ... البنيه : سنتين (كتكوته) .. 5 سنين (عسوله) .. 10 سنين (فدوه لالله شكد حلوه) .. 20 سنين (حبيبه ماما وبابا) .. 25 سنه (آنسه) .. 30 سنه (سيده) .. 40 سنه (مدام) .. 50 سنه (ست الكل وامنا كلنا) .. 60 سنه ( حجيه) .....
هسه نجي على الولد : 5 سنين (زعطوط) .. 10 سنين (لك عمو انت بعدك صغير) .. 20 سنه (شطولك تصير بعد) .. 30 سنه (ابو كويظم) .. 40 سنه (حجي) .. 50 سنه ( شايب).

ها بنات شفتوا احنه شلون مظلومين؟ وتحجون علينه!

=================================

اتمنى محد يضوج مجرد ضحك وخلص

تحياتي الكم

:tgrttt:

ههههههههههههههههههههههههههههه

كول هآي الحقوق النه ومشآيفه شي منهن هع هع :nosweat:

طلعو صدوك مظلومين هههههههههههههههه الله يكون بعونهم :yttyy5:

تسلمين عيوني ع موضوع الظريف :tretewrt:

منوره الموضوع خيتو

بس اني ولد مو بنيه هاع

مستر للولد

مس للبنيه

:tgrttt:

هههههههههههههههههههه :027: لكم خطية طلعتوا صدك مظلومين
خطية انتو هههههههههههههههههههه:027:
تحياتي الك
شكرا على الموضوع الظريف:smile35:

اي شفتوا

اليوم رح نكلب عليكم :eh_s(13):

منوره الموضوع :a_040:

سلمت الايادي عالموضوع لكن ليس بمكانه المناسب كل الود لطرحك

ههههههههههههههههههه
حلوووه عاشت يمناك