صرت انت خيالي ودوم تمشي وياي

صرت انت خيالي ودوم تمشي وياي

وصرنا انا وياك ما يوم نتباعد

واذا ماكو ضوى يعني انت ما موجود

اذن انت ويا الضوى ثنينكم واحد

واذا انت مو يمي يعني اني ما اشوف

صرت انت النظر وبنص عيني گاعد

امشي اني على كيفك تأمر عليه شتريد

تصير انت القلم واني الكواغد

قبلك چانت حياتي مدري شلون

بس ضيم وقهر والفكر شارد

وابد ما شفت الفرح يوم

واحس الزمن وياي حاقد

بدونك يهزمني الدهر وابقى ما مرتاح

ومن اشوفك بيك اتفائل وابقى صامد

قلم گلبي تداين ورقه منك

لان ماكو بجمالك وارقى منك

اسجلك انت الاول وأرقمنك

واكتب لافته محجوز اليه

احبك لا ما احبك؟؟؟ شو حيل احبك

وصرت من روحي اغار عليك

اتمنى احبسك بين رموش العيون

واضمك وسط گلبي واحتفظ بيك

من اشتاگلك بس اغمض العيون

بين رموش عيني يمكن الگيك

واذا ما لگيتك بين الرموش

عيوني تدخل لگلبي وتجيك

ما اهتم لأي بشر غيرك

ابيع الناس كلها واشتريك

أسأل عن اخبارك وأرسل سلامي

مشتاگ اني لضحكتك ومشتاگ احاچيك

صباح الخيرات
شكرا على مشاركتك
شكرا على مجهودك الراقي
فائق تقديري واحترامي

يسسلموـأآ على المرور
الجميل لا حرمآن
يآرب
تحيتي

كلمااات روووووعه
عاشت الايادي
ع هذالعطاء مميز
ودي قبل ردي