ديوان أحمد البصري

(ماردتك حلم)

.

ماردتك تبقـى حلــم

وبس أنـذر ألك لنـذور

,

ردتك حضـرة عشـك

وروحي بحضرتـك أتزور

,

ماردتك أمـل ما يرتجـي

وأرضـه صبخـة وبـور

,

ردتك بيـت وأهـــل

وضحكة بحلك مسـرور

,

عطشانـه كاعـي ألـك

ومنتظـرة بخلك ناطـور

,

جـا يمتـه الحظ يلتفـت

وتصـير ألهـا ناعــور

,,

غركـان بحبــك تـره

وبلـم الأمـل مكسـور

,

لا وكت يمـد أيده ألـي

والبحـر بيــه يـدور

,

ألكـاك بكلبـي نبـض

وبشريانـي دم يفــور

,

وبس أمـد أيـدي ألك

يكطعهـا ألف ساطـور

,

العـش مابــي نفـع

لو مـا يحط بـي عصفور

,

وشينفـع كـبر النـزل

لوجـان من الأهل مهجور

,

هجي وكتي بعدك صفـه

مغربيـة بنص الكبــور

,

يالمـا صرتلـي عطــر

يطلع مـن حلك لزهـور

,

أترجـاك صيرلي كبــر

تابـوت وجفن وكافـور

,

,

12/3/2012