ديوان مشاعر حطمتها الخيانه

صافي بالك واني واهس بيه جيتك وانتضر شوفت خيالك صافي بالك

وانت الحب ما مرك ولا لحضة اجالك

نسيت اهمومي بعيونك اكابر وحشة اهمالك

صافي بالك

ولا حبك يمر بيه صرت حال السهم حالك

حرام ورودي يمدلل تموت وتذبل كبالك

تعال العطش كاتلها تعال ارويها بوصالك

اكلك كلمة بس وحده ادوخ بيها عذالك

اريد اشتم عطر حبك واكطع بيها اميالك

اريد اركع لاجل شخصك

واحضن غفوة هدابك واسولف بيك للعشاق اكلهم حبه دمرني اكلهم هذا سهرني اكلهم حتى يرضالك

وميهمني اذا يحجون اربط فكري بالك

صبرت هواي ببعادك لاجل عينك اشيل الروح واكفنها بقايا جروح

واسكت كل شيء ما احجي لان ادري الكلب مفضوح يحجي بيك ويه الروح

ينطق بيك بالاحلام ويكضيها حياتة اوهام يكفي بيك يتمالك

صافي بالك .

الا تعرف انك وهم

انك غلطه ونتيجتها الم

نسيانك اسهل وكرهك اهم

تدعي الحب ولا تعرف سوى اللعب وتستحق الشتم

كشفت اوراقك وكانت سطور مزيفه في دنيا الوهم

من تكون !! نسيت انك اخر ما يكتبه القلم

لا داعي لكلامك فانت صفحات قد مسحها القدر

ومسحت كتابات بقيت على اوراق الشجر

اكتفيت بظلمك اكتفيت بعذابك لا تهمني اعترافاتك

فما قلته اصبح امام النظر

ارتقي لكذبك ارتقي لصمتك فلا يمهني الامر

تلهمني الحب وتلهمني عبارات الصبر

وعندما اقتطفها لا يوجد سوى الغدر

سارت حروفك اما قلبي وعيني ولم افكر ان يخونني النظر

ابتهج لخداعي ابتهج لعذابي وتذكر انها غلط عمر

الا تعرف انك وهم

حبك وغدرك وظلمك لا يهم


بقلمي مشاعر حطمتها الخيانه
2011/12/21
الساعه 6:25

صبرت سنين اني وياك يفلان

صنتك ابد ما خنتك

تكذب بالكلام وياي واكول بكلبي صدكتك

بقيت وياك حد الموت بعتني يلي مابعتك

ضكت منك مرار اهوي وحنان وطيب شربتك

مو بيدك مشيت وياي جانت عندي مصلحتك

ولو ادري تحب انسان جان بأيدي موتك

تستاهل هجر يفلان وتستاهل مرار وحزن ارسملك

عكس وياك دهرك يوم صرتلك دنيه عاشرتك

وانته بالصدق وياي تكلي ما اخون وعيني شافتك

نادم من حجيت وياك نادم من حضنتك يوم عساها روحي مسحتك

وقراي هسه تنساني وتضيع الحب على بختك..

بقلمي ...
مشاعر حطمتها الخيانه

استاذي الكريم كم هي جميله تلك المشاعر المختلطة بالخيانه بل مؤلمه حد الوجع
لقلمك نكهته المميزه ولحرفك تعبير يفوق الخيال
حدائق الزيزفون لروحك