يالابس الاحمر والاحمر خجلان من سحرك
وشتلبس يلوك لك يامعود شبيك تتردد
عليك العيون صارت تريد تعرف اسمك
وانته كلك دلع وتصد عني تتعمد
فتنتك وبياض زندك وشحلات عيونك ورمشك
مذبوح الكلب من يوم شافك بمكانه تحدد
والا الكحل بالعين مرسوم رسم شحلات رسمك
واضل انه الهج بحبك وعليك اتهدد
يهالتمشي بهداوه وعيوني ما فاركت خصرك
ارحم شويه خلي العيون تشبع يامعود
حتى ضحكتك غزل بيها تغازل بس تضحك
واضل ساكت اكول يمكن بسوالفه يتعمد
تدري لون الاحمر انوجد لان بس يعجبك
وباقي الالوان صارت بجمالك تتقرب وتتودد
و اطياف الشمس كامت تغار من الي يعجبك
لان صار البشر بسبتك يعشك الاحمر ما يتردد
وكلها تتمنى تصير لون احمر وتحت امرك
وياريت انه بسجنك اضل مسجون مؤبد
مجنون بغرامك انه بس شسوي لكلبك
مواكح وياي على طول الدرب واني اتنهد
ودورت لي سبب بس حتى احضنك
شو بس ردت احضنك كلت لي وانته تتنهد
عاجبك لون الاحمر لو اني الي عاجبتك..!!
دشوف شكد تغزلت بيه وانه الي اريد احضنك
كله لاجل عيونك لبسته ردتك عليه تتعود
----
بقلمـــي المتــواضع
بتاريخ
25/4/2011