جـــــرح الانـــــسان

ادري انته غريب وكل غريب يروح
كالوهه كبل بس ما خذت عبره
وادري انته شمس وكت الغروب اتغيب
وادري الليل يمك يحفر ابكبره
وادري الجام طيفك يعتني وي اليل
وادري العين فجأه وتنكلب مهره
صرت بيد القدر ابره وتبعتك خيط
ومشيت اعله الجرح ما كتلك شكبره؟
اثاري انته تلف بيه على جرح انسان
حب وحده غريبه وخنكته العبره
وتسألني الورق ابيض بياضه منين؟
ولك كثر القصايد شيبت شعره
ضل محني القلم فوك الورق سنتين
مو حقه القلم من ينكسر ضهره؟
نصك يعتذر نص ما يقر بالصار
هم راضي تعال لخاطر العشره
ايه مثل النخل نص منحني وخجلان
ونص واكف بزوده وهيبته وصدره
مغرور الجذع لن اعله من الكاع
يتباهه اعله كاعه بوكفته وتمره
وسعفات النخل تدري الجذع غلطان
محنيه بأدب للكاع معتذره
من الشاف الصبر مافاد كلبي اغتاض
للمحتاج كام يوزع بصبره
وكد ما محترك ما باوعت عل نار
دخنت الجكاره بصفحة الجمره

!!!,.,.,., تحيه بعبق الجوري
شكر جزيلا للطرح القيم
ننتظر المزيد من الابداع من اقلامكم الرائعه
تحيتي وتقديري لكم
وددي قبل ردي .,.,.,!!