عنود البحر

يالعنود سخرت لجلك كل الجهود
احاسيسي وانفعالاتي وخيالاتي وتعبي
واشواق كانت اسيره في سجن الركود
يالعنود مليت وانا انتظر كلمة احبك
مثل ما مل فكر سكنتيه من الشرود
خلي دليلك في الهوى قلبك واسهبي
حرري سكوتك من الخجل ومن القيود
انا حاسس بحبك ياحياتي لكن غاية مطلبي
اسمعها منك كلمة تملا السما برق ورعود
شمس اليقين تاهت مابين شرقي وغربي
كل يوم اقول بكره وامني نفسي بالصمود
يجي بكره والقى ارضك تحتري ظلي وسحبي
ان تركتك ثواني القى دمعك ع الخدود
ولما اجيك ابي انسى فيك همي وكربي
تسكتين وتتركين لي حروف على حبك شهود
يالعنود ابسألك اسئله لكن حلفتك بربي
توعديني بالصراحه ومافي غير الصراحه
تشفي قلبي من عذابه ومن جراحه
وتجاوبيني بناءآ على هذي الوعود
ليه في بعدك ما القى راحه واكون عصبي
واتصرف بجنون عاشق يتعدى كل الحدود
ليه غيابك يعيشني مابين خوفي وغضبي
ونعيم قربك من بعد نار يرجع جنة برود
يالعنود ليه تخفين حبك ورا عيون سود
وتدارين شوق نظراتك عن عيوني وهدبي
وتهربين من لقانا اللي انكتب من ايام الجدود
يالعنود لاتضيعين فرصة هوانا بعصرنا الذهبي
واللي مكتوب له يبقى معانا ويتنعم بالخلود
ماتلاحظين لما تبعدين وعن كوني تغيبي
ترجعين وانا فاتح لك ذراعي واضيفلك من العهود
إني ما اتركك لوحدك تعاني واضمك لقربي
واستقبلك بأبتسامه لما اشوفك تعود
يالعنود ليه احس بأرتباكك وانتي جنبي
وتبعدين وانتي تعرفي ان بعدك عدوي اللدود
يالعنود ليه حبي للعالم ينقص وصار سلبي
وحبك في فؤادي كل يوم يزود
فسري لي حلم حلمته قبل ثلاثه عقود
حلمت إني ماسك بأيدي اليمين قلبي
وان قلبي على شكل ورده جميله
تختلف عن كل الورود
وماشي في طريقي الين القى شخصآ ودود
رقيق المشاعر حنون احيا احساسي وحبي
ناعم الملمس رشيق كن جسمه غصن عود
قالي احبك وماابي غيرك ينور طريقي ودربي
وقلت له انت بالنسبة لي ياحياتي مسألة وجود
بالعنود ليه ساكته وين تفسيرك لاوراقي وكتبي
وين اجاباتك وتعبيرك والردود
يالعنود مافهمتي؟ ليه وانا اكلمك عربي
بأختصار احبك واعشق انفاسك ونبض قلبك
وحبك التصق بفكري في صحوي والمنام
مثل المسام اذا التصق على سطح الجلود

بقلم/البحرالميت

اذا نظرتم للبحر يومآ
تأكدوا ان نظركم اتجه نحوي

كتبت فأبدعت
كلام راقي واحساس ممزوج بعبق الزهور مزدهر باعذب العبارات
يستحق منا كل الشكر والتقييم لروعة ما خطه القلم الذهبي

كلام راقي
واحاسيس كأمواج البحر الهادئه
سلمت اناملك

دام عطائك
سلمت الايادي