بالكيف هو الكلب

بالكيف ريح السفن لمن تهب بالكيف

الدنيه مره بشته ومره بسموم وصيف

هو شيشوف الجفن غير الدمع والطيف

يا هي يابو المستحه يل عينك ولايه

بيهه الفرح والحزن يتلاكن حجايه

يصير ضاع العرف والجرف مل مايه

وعينك ولا كل عين مشتني بين البين

لانفع بيهه الهوه ولا نصح بيهه الحيف

هو شيشوف الجفن غير الدمع والطيف

لو كحلتني بحلم بكليبي يفتك باب

وافرش سنين العمر ضحكه وزعل وعتاب

وشبكَه النسمه الزلف ومعانكـَ اللبلاب

ومسره الملح بالعود بيه الحنين يعود

افرح ولو بالحلم يل ماصحالك كيف

هو شيشوف الجفن غير الدمع والطيف

ساهرت ليلي و وهست السوالف بيك

والفرح ومحبتي وليل الغفه بطاريك

واتنطرت ها تجي وها عل بعد خليك

لا انت فرح وابتسم ولا انت دمع وابجيك

ولا انت حبيب ونحب ولا انت عدو نعاديك

سوله حلاتك بعد ومرورتي من الكَيكـَ

او لو بينت عل درب بيبانه تلاكَيكـَ

خليك صوت وصدى وطاري وعذر ينكَال

وخليك حسره جفه ويه هموم ماتنشال

وخليني منك و ألك سدره وشمس وضلال

ياطبع مدري شجرا وعل ماتصح ميال

حالين روحي اصبحت ومن الصبر مامل

خايب يبعد الوعد ماحال يشكي الحال

بالكيف هو الكلب لمن يحب بالكيف
الله الله من اروع ما كتب الاستاذ عريان السيد خلف
عاشت ايدك اختيار رائع

نورتي مستبدة اي يعجبني هل شعر لعريان
مودتي

●●●
!!!,.,.,., تحيه بعبق الجوري
شكر جزيلا للطرح القيم
ننتظر المزيد من الابداع من اقلامكم الرائعه
تحيتي وتقديري لكم
وددي قبل ردي .,.,.,!!

عاشت الايادي
رائعه من الروائع عزيزي
تحياتي واحترامي

يسلمووووووووووووووووووو تاركة

يسلموووووووووووووووووووووو ميمو نورت

رووووووعة ليوث حبيبي سلمت اناملك تحياتي واحترامي

نورت حبي حمودي

الله الله

روووووووووووووووووووعه

عاشت ايدك
دوم الابداع
بانتضار جديدك بشوق
يعطيك الف عافيه