جنيت هواي

جنيت هواي انت بعشرتي
ولامره اشتكيت الحال منك
واعيدنهن واكلك تصفه الكلوب
ولا بالظهر مره حجيت عنك
تكلمني بكلام يعذب الحال
وابررها بجهل وبصغر سنك
انا مليت منك تغلط اوياي
ولامره ذنوبك حاسبنك
بعت عشرتك كوه ووجهي اندار
بس بداخلي اتمنيت احضنك
اجيتك دمعي يجري وذني العيون
عساهن بالعمى ماوادعنك
ومن يسالوني عنك رغم الاجروح
قسم احلى الكلام احجيته عنك
الناقلك حجي ماناصح وياك
ولا خايف من الله الهمس باذنك
تلكاني يمحبوبي بالاحضان
وعني الوجه الاسمر لاتديره
بدونك اني طير وجنحي مكسور
وبدونك فرحة العاذل جبيره
وتره عيونك بدوني تفارك الشوف
وبدوني تعيش كل عمرك بحيره
تلكاني حبيبي وخذني بيديك
ولاتسمع حجي البايع ضميره
بعد مابي حيل ازاعل وياك
ودخيلك هاي زعلتنه الاخيره