ياشوق قلبي

يا شوق قلبي من يطفي لهيبك
متى يعود الي عن العين غايب

اكيد نارك من سبايب حببيك
ما تضرم النيران غير الحبايب

شوف الغوالي هو دواك وطبيبك
ياقلب منك ومنه شفت المصايب

تعـبتنيي ياقلب الله حسيبك
ابعد عن دروب المحبه عطايب

هذا يوديـــك وهذا يجيبك
ما عاد انا حمل التعب والنوايب

الشوق يذبحك ويقـطع وريدك
ياقلب من ونك ترى الراس شايب

سمعت دقاتك تنادي حبيبك
وشريانك الابهر به الدم ذايب

يغلي حنينك ويتبــخر رصيدك
والشوق يمطر منك مثل السحايب

لو استمر الحال شوقـك يبيدك
اعقل توكل واسمع اخطاب صايب

حكم القدر ماهو بيدي وبيدك
ونا ادري ان البعد مر وصعايب

لابد من يوم تنــادي ويجيبك
وتلمه احضانك وتطفي الاهايب

وتغمره من فيض المحبه وطيبك
وتموت لحضات البعد بالقرايب