كيـف تحصـَل على درجـه عـآلـية في البحث المشَروع

السلام عليكمَ ورحمه الله وبركآتـه ،
اليومَ بعطيكم درس مهم جدآ في كتـآبة البحوث والتقارير والمشآريـع ،



ملاحظة: مب شرط تلتزمـون ب اللي أنـآ اكتـبه ، بس ع الاقل تتأكدون انه تقريركم كآمل








أول شيء ، البحث مايكون قوس قزح ، أنـآ عن نفسي كنت اختار لونين فقط بجانب الاسود ،
مثال ، العناونين الفرعيـه بلـون ، والرئيسيـه بلون ، والكتابـه بلون اسود فقط ،

اختار الخطalmohanad
لاني احسه يفـتح النفس ، وسهل للقراءة وجميل بعد ،
إذا تبونه ، حملتـه لكم هنيـه[ المهـنَد ]

اذا ماحبيتـوه تقدرون تستبدلونـه بالـArial

عالعموم ،
اللي ابا اقولـه الخط يكون واضح + حجمـه معقول ،
يعني اذا استخدمتوا خط المهند خلوا الخط بحدود 16- 18 . .

أمـآ التاهومآ ،
ف يفصل يكون الخط بين 12-14 > لآ تقولون كبير ، هذا تقرير مب فوتوشوب

*
ب النـسَبه للورقـه الاولى ، ف هي تكـون كالشكل التالي ،
هذا مثال لبحثي الجغرافيـآ ،


- اللي ع اليمين فوق ، معلومات مهمـه لاتنسونهـا
-ع اليسار فوق حطوا شعار المدرسـه أو شعار المجلس ، تقدرون تحطونهم ع اليسار أو الوسط

-لاحظوا كلمـه " بحث عن " طبعا هذا الشيء يعتمد! ،
تتغيـر كلمـه " بحث " اذا كان تقـرير أو مشروع ، تكتبون : تقرير عن / مشروع عن




معلومـة : في معلمات/معلمين ، لهم نظام محدد ووايد دقيقين ف التصحيح ،







يعني مثلا ابـله علم النفس كانت غير عن كل المعلمات ، شوفوا كيـف :


قالت تبـآ الصورة على اليسار ، والماده تبآهـآ تحت ، والكلآم اللي تحت تبآه ع اليسار ،

بس انا بشكل عام ترتيبي للبحث اسويـه نفس الأول ،

ثاني صـفحه ، الفهرس ، وهو آخر شيء بتكتبونه ف البحث!! ،
يعني اكتبوا البحث ، وعقب روحوا لثاني صفحـه واكتبوا الفهرس ،

الفهرس أمـآ يكون :

- جدول :


-عادي :



الصفحه الثالثه ، المقدمـه ،

المقدمـه اذا كانت في بحث > صفـحه بروحهآ
واذا كانت في تقرير > تكون مع صفحات التقرير ، يعني المقدمه وتحتها تبدون ب الموضوع في نفس الصفحه ،

^
هاللي علمونا اياه




بسم الله الرحمن الرحيم والصلاة والسلام على سيدنا محمد وعلى من تبعه بإحسان إلى يوم الدين ، أما بعد ’







هاي الجملـه سوولهآ كوبي بيسـت فكل التقارير والبحوث ،


أول شيء بدايـه بسيطـه عن " عنوان البحث "
، يعني أول شيء تتفلسفون ، وعقب تكتبون عنوان البحث، جي:



يعتبر الوطن العربي غنيا بالمعادن التي تدخل ضمن ثرواته، سواء أكانت ثروات نفطية ،أو معدنية ، أو غذائية ، و تعتبر الثروة المعدنية في الوطن العربي من أكثر الثروات أهمية ، فهي تسبب دخلا كبيرا على الدولة بعد الثروة النفطية ومشتقاتها ، وفي تقريري هذا سأتحدث عن إحدى هذه المعادن والذي قد يعتبر أهمها ، وهو أحد المعادن الفلزية ، ألا وهو الحديد . .










أو ، تبدون بتعريـف " من عندكم " عن موضوع البحث ، نفس ماسويت في بحث الاقتصاد :



تعتبر المالية العامة من بين الأدوات التي تستخدمها الدول في تحقيق أهدافها الإقتصادية والإجتماعية ، وكانت تعرف منذ القدم ، فكان لها مفهوما تقليديا اخر ، أما اليوم فالمالية العامة تشير إلى تحقيق التوازن الإقتصادي والإجتماعي في الدولة وإستغلال الموارد القومية ، وسأذكر مفهومها الحالي في بحثي بإذن الله.








بعدين ، تبدون تكتبون عن الاشياء اللي بتكتبونها ف البحث ، مثل :



وسأكتب عن الصناعة بشكل عام ، وصناعة الحديد بشكل خاص ، وأهميته الكبيرة في المجال الإقتصادي والصناعي . . و عن أنواع الحديد وهي 3 أنواع مشهورة ، الزهر والمطاوع والصلب ، ولكل نوع أهمية وخصائص وإستخدامات مختلفة . و المقومات المتطلبة للقيام بصناعة الحديد والصلب ، و خصصت هذه الصناعة في دول الخليج العربية ، و بالتفصيل في دولة الإمارات العربية المتحدة وبعض الصناعات المحلية التي تستخدم الحديد كمادة أساسية .








بعدين ، سبب الاختيار ، > مهم جدآ ، لا تنسونه



و قد إخترت هذا الموضوع لأعرف أكثر عن هذا المعدن ، فهو معدن ذُكر في القرآن الكريم ، ولأهميته القصوى في الصناعة ، فأغلب الصنآعآت لا تقوم إلا بالحديد ، ولأبين أن تواجد الحديد في الوطن العربي هو بحد ذاته نعمة يجب شكر الله عليها .








بعدين ،الصعوبات ، تقريبا كنت انسخ هالفقرة فكل البحوث اللي سويتهآ ،



لم أواجه صعوبات كثيرة ولله الحمد، ولكنني استغرقت وقتاً طويلا لكتابة الموضوع ، وذلك لإنشغالي بكتابة البحوث الأخرى والتحضير ودراسة المواد الأخرى . .








خارج الموضوع : في بحث علم النفس صدق عصببت من الخاطررر لاني وايد قعدت ع التقريـر ، ظهري عورني من الكرسي ، جان اكتب في التقرير :



ولكن فقط شعرت بآلام في الرقبة والعيون والظهر لمكوثي حوالي 4 ساعات متتالية للعمل بهذا البحث







هههه ، يعني انتوا اكتبوا اللي واجهتوه ، مثلآ " ضيق الوقت ، عدم توفر المصادر الكافيـه ، عدم توفر المصادر في المكتبة ، وجي "


آخر شيء ، هالجمله بعد نسختهآ فكل البحوث :



والحمدلله الذي وقفني في هذا البحث ، وأتمنى أن يكون مراعيا لجميع الشروط المطلوبة .








الصفحـه الرابعـة ، محتوى البحث ، اللي هو الموضوع ،
طبعا تعرفـونه مايبـآله شرح !!!


انزين الحين نروح لآهم شيء اللي هو التوثيق في كل صفحـه ،

الحين انتوا كتبتوا فقـره ، وهالفقرة كانت كوبي بيسـت من كتاب أو موقـع ،
يعني بدون أي تغيير ، شو تسوون ؟

تحطون قوسين ، قبل الفقره وبعدهآ ، وتكتبون مثلا (1) بخط صغير ،
جي :

أدري رقم واحد مب صغير بسس انتوا خلوه صغير شوي ،



أمـآ اذا كنتو مغيرين في الموضوع ،
وصايغينـه بطريقـتكم ، فما تحطون اقواس ، بس حطوا رقم اخر الفقرة ،


وعقب تحت في اخر الصفحـه وبخط صغير ويفضل لون ثاني ،
أنا كنت احط رصاصي ، تكتبون المصدر واخر شيء تكتبون " بتصرف "
مثل :




انزين ، استخدمتوا المصدر نفسـه في الصفحات الثانيـه ،
بتمون تعيدون نفس هالكلآم الطويل ؟ ، الجواب لآ ، جي بنسوي :


لو كان المصدر من النـت ،
تكتبون اسم المقال – الكاتب "إن وجد" – التاريخ اللي طلعتوا منه المقال – الرابط


نروح عند الخاتمـه ، الخاتمة تكـون " تـــــلــخـيــص " للبحث كامل ،
تقولون شو كتبتوا فـيه ، وتلخصون النقآط المهمه بس . . بحيث انها تكون صفـحه كاملـه ،

بعدين التوصيات والنتائج ، فـيه معلمات/معلمين يطلبونهآ قبل الخاتمـه ،
وفـيه بعد الخاتمة ، يعني على حسب رغبـة المعلم/ـة


النتائج ، سهله وآيد ، اتييبون أي معلومـه من البحث وتحطونهآ ،
حتى لو تسوون كوبي بيست لمعلومه صغيره ، مثل :




التوصيات ،هنيـه الصعوبـه ، نحن كنآ نكتب ،
أوصي بزياده المواضيع الخاصه ب"----" في كتبنآ المدرسيـة /
اوصي الطلاب بضرورة التثقف في أهمية " ----- " ،

لين مايت ابلـه الاقتصاد وفهمتنآ ، طلعنا فاهمين السالفـه غلط لوول ،

ف التوصيات نكتب اشياء تخص الدولـه ،
يعني كأننا نوجهآ للدولـه ، مب للطلاب والمعلمين والاباء هه ،




الصفحـه الاخيره ، قائمة المصادر والمراجع

اول شيء تكتبون الكتـب ، وعقب المواقـع ،
مع الالتزآم بالترتيب الابجدي ، يعني الكاتب اللي حرفـه أ ، ينكتب أول شيء ، وجيه ،

وتحطون نفس اللي كتبنآه في التوثيق بس بدون الصفـحه ، وطبعا بدون كلمـه "بتصرف"



ولا تنسون لآ تنسون ، ترقيـم الصفحآت ، ترآه مهم ، وعشان تقدرون تكتبون الفهرس بعد








في حآلـه كتبتوا تقـرير ل (مشـروع ) عن أي مادة علمـيه ،

بعد المقدمـه بصفحـه بروحهآ تكتبون معلومات عن العنوان ،
المعلومات عادي تطلعونهآ من النت ، ماظني المواد العلمـيه تطلب كتب!


الصفحـه اللي بعد المعلومآت ،
تكتـبون :



الخط واضح وتقدرون تفهمون المقصود ب الفكره / الاهداف / الفروض / التوقعات

للعلم التوقعات مب شرط تكون صح ،
لآنه اسمهآ توقعات ، يعني قبل ماتسوون المشروع شو تتوقعون النتائج ؟



بعدين ، خطـة التنفيذ ،

1- الادوات ،
تكتبـون شو هي الادوات المستخدمة وتحطون صورة للأدوات ،

2- الخطوات ، وكل خطوه تحطون تحتهآ صورة موضحه للخطوة . .

3- الملاحظات ، أثنـآء التجربـه شو لآحظتوا . .



تحليل البيآنـآت > اذا كان الموضوع بحاجـه لمخطط يوضح العلاقـة العكسيه أو الطرديـه
يفضل انكم تكتبـونه + جدول مقآرنـه بعد اذا كان الموضوع يحتاج ،




بعديـن تكتبـون النتائج ، ومن ضمن النتائـج تكتـبـون معادلـه " اذا كان مشروع كيمياء " ،


و الخاتمـه تكون بهالطريـقه ، لاحظوا انه في البحث كتبنآ بعض من هالاشياء في المقدمـه ،
وبعيـد وبكرر انه هالشيء يكون راجع للمعلم/ـة
، بس اللي ابا اقولـه انه هالاشياء تكون موجوده في البحث او المشروع لانها مهمـة ،




وبجذي نكون خلصنآ الموضوع ،
اتمنى انكم استفدتوا ولو بالقدر البسيط من الموضوع ،
دعواتكم ،

يسلموووووو على المرور الرائع

السلام عليكم
بعد الشكر الجزيل على الشرح
بعد اذنك هل ممكن ان اطلب من حضرتك طلب بخصوص مشروع البحث
لان السنه شارفت على الانتهاء على ايميلي.وشكرا
najee.mahdi***********

يعطيك العافية لروعة طرحك

اموله الغاليه...

يسلمو وسلمت انا ملك على الطرح الرائع

دمتي ودام عطائك

مع ردي الغالي لكي

كل الشكر لكـم ولهذا المرور الجميل


الله يعطيكم العافيه يارب
خالص مودتى لكـِم


وتقبلو ودي واحترامي

روعه ماطرحت
سلمت الايادي

يسسلموو علىا
هذا النثر الجميل
راق لي جدأأ
يعطيك الف
عافيه بنتظأر
المزيد من ابداعاتك
بشوق ودي قبل ردي

منورين يالغلا على راسي