ظل بالي بغيابك

بقيت احسب بالنجوم
ما مر ع الجفن نوم لابس سود الهدوم
ضل بالي بغيابك
بعدك باقي محتار طفي النار بالنار
ابجي بعتبت الباب فتحلي البيت بابك
اسهر واحترك حيل
فكر من يجي الليل واتوسل تواسيل ومعطر ثيابك
عفتك اني مجبور خلص عمري مقهور
حمامة وجنحي مكسور يالغالي بغيابك
بقيت احسب بالنجوم
ما مر ع الجفن نوم لابس سود الهدوم
ضل بالي بغيابك

يمعود رحت وين تسال عنك العين
اجيب مثلك منين لا تنكر احبابك
تعرف من الاكيك اسولفلك واحاجيك صدك راح ابجيك واكولك الله جابك
وينك ليش ما جيت بعدك خالي البيت
خايف مني مليت بوجهي تسد بابك
اريد بحضنك ارتاح وابدل احزاني بافراح دمع ما رجع الراح ما ينفع اعتابة
بقيت احسب بالنجوم
ما مر ع الجفن نوم لابس سود الهدوم
ضل بالي بغيابك
منك اني ما اتوب اسال واسال انوب علينة القدر مكتوب وابقة احمل عذابك
بعدك حالي يا حال يالبعدك علية طال حزني يوكع الاجبال ربي منين جابك
خسرت الراح والجاي اريدك تبقة وياي حبيبي احتاجك هواي تنتظرك احبابك
اجو عنك يسالون شجاوب كولي وشلون خلص دمع العيون ما اسمع جواب
بقيت احسب بالنجوم
ما مر ع الجفن نوم لابس سود الهدوم
ضل بالي بغيابك
--------------
للفنان :- عبد الله البدر
--------------

عاشت ايدك ابن محافظتي الغالي

حبيب كلبي نورتني

راقية تلك المشاعر انيقه هذه الكلمات

فلك كل تقدير اخي محمد

روعه الحروف
تسلم ايدك محمد
ينقل لقسمه المناسب