حوار بين حبيبين

*الحبيبه**
*ليش بالهم تركتني وليش رحت ومااجـــــــيت
تدري جازفت بحياتي والكـ كل عمري نطــــيت
موجنت شمعه بوجودكـ ومن رحت صدّك طفيت
ولاتضن وحده تحبك مثلي مهـــــما دوريــــــت
ولاتضن تلكــــــه بوفائي والكـ تدري شكد وفيت

**الحبيب**
حجوا عنج يامه يامه والحجي شيبلي راســـــي
وكالو انتي بعتي حبي وانجرح منـج احســاسي
وصدكتهم الف وسفه ومادرست اطباع ناســــي
وابد ماقدرت حبج شكد جنت وياج قاســــــــي
واني نادم رايد ارجع ومن جديد ابنــــيه ساسي

**الحبيبه**
يل عفتني بكل سهوله وتركت كلبــــي بالـــــــم
مانمت صدكني لحظه وشخصك بعيني انرســم
وحتى لواغفه اني مره تظهر انت بكل حلــــــم
وانت صدكت الحجولك شلون ترضه بهالضــلم
وهسه جاي تكول نادم كلي شيــــــــــــفيد الندم

**الحبيب**
كل بشر يغلط يعمري واني صدكيني غلطـــــت
واعترف وبكل صراحه بالحجو اي صـــــــــدكت
واني بعدج ياحياتي تالمـــــــــــت وتعذبــــــــــــت
واعترف حبيت غيرج وابد مثلــــــــــــــج ماشفت
واني اسف عاليصار واعالجرى واني ندمـــــــــت

**الحبيبه**
صعب حيل ارجعلك اني وانت تعرف بالضروف
صح احبكـ صح اريدك وصعب حبك اني اعوف
لكن الماضي جبرني وانت بعيونك تــــــــــشوف
الفرقونه وبعدونه وكطعوا كلبـــي بســــــــــــيوف
همه جبروني اعلى هذا وبالهجر جرحوني اوف

**الحبيب**
اعرف اني بكل ضروفج وصعب هذا وموبديج
جنت متامل رجعتج لان مشتاق لحــــــــــــجيج
تعذبت بالبعد والهه وكمت احن لكلشي بيــــــج
واليكول انساج لحظه صدكي يجذب عليــــــج
اني اعذرج وابقى احبج وبثمن عمري اشتريج

**الحبيبه**
لايولفي انساني فدوه ولاتفكر ابد بــــــــــــــــــــيه
اني مجروحة زماني وهاللقب لايك عليــــــــــــه
لان ودعتني السعاده ومااضنهه تــــرد الــــــــــيه
وعذبت صبري بجروحي وبس اون صبح ومسيه
وجرحك اعظم جرح بيهن مايطيب وموبديــــــه

يل رحت عني بعيد وكطعت بيه
الكلب راح وياك مارد اليه


وديــ:m14:

حبك بكلبي
نورتي حزن العشاق
وعطرتي الاقسام الادبية
بروعة ما نقلت أناملكِ
دمتي بخير ياراقية
ولا حرمنا أبداعكِ
تحياتي

ـاأألنوِر نورِكـَ ونوِر ـألموجودين بالمنتدى مشكور على المورور ـألعطر وألرائع

طرح قمة في الروعه وكلمات اروع
ربي يعطيك الف الف عافيه يالغلآ
ولا يحرمني منك ولا من تميزك
دمتي ودامت ابداعاتك

تحياآآآتي
برنسو

ـأنرتي متصفحي بتواجدكـ .ـالراقي