كــافـي مـنكـم

راح اعود العين ما تدمع اذا شافت صوركم
وراح اعود الروح ما تجفل اذا ينجاب اسمكم
كافي منكم
ما امر بكل حديقه ؟
خاف اشوف الورد واتذكر عطركم
ما اسولف وي احد؟
خاف نص السالفه وذكر اسمكم
كافي ضيم الشفته منكم
ياسهركم يا قهركم
كافي مو ظهري كسرته
فوك الدنيه ثكلني حملكم
وهم جنت غلطان بيكم
والكلب خليته عدكم
ما حفظتولي الامانه
وعمري كله ما خنتكم
غيركم ما عندي احد
ثاري غيري اهواي عدكم
كافي منكم----------