أمثال و حكم سودانية

أيد البدري قومي بدري
ازرعي بدري
حشي بدري
و احصدي بدري
شوفي كان تنقدري



‏(‏ الشيخ فرح ود تكتوك )

احسنت
جميل ما نقلت من حكمه
فالشعوب بخبراتها تعطي امثله رائعه للبشريه
عاشك ايدك يا جاروط

ربنا يسعدك
ورد الملائكة
هي خلاصة تجارب الآخرين
تكون زادا لنا في سبل الحياة

اختيار موفق عاشت الانامل

يعيش لك كل جميل
ربنا يديك العافية
و تسلمي

السمح ما أكال
و السمح هو الرجل الكريم ، و لإنشغاله بضيوفه ، لذلك فهو قليل الأكل

ولدك كان كبر خاويهو

ارجا السفيه ، ما ترجا العاطل ، السفيه يمكن ربنا يهديه

ال ليك ليك
كان لبن عشر
كحل بب عينيك

# # # #

العشر نوع من النبات له مادة لبنية ضارة بالعيون ،
و ال ليك ليك = قريبك هو قريبك القريب منك كثيير ، مثل أخوك ، و أبوك ، و اهلك و عشيرتك

كان عمرك طال
تشوف ضبح الجمال