نصـــآئــح .. بــقلــمي

لا تتجي على الزمن وتدري الزمن دوار

ازرع محبه بحذر ظل حدي وي البشر بس اكرم الخطار

دنيا تجارة حطب مبنيه عرض وطلب والبشر مثل الخشب كلمن اله اسعار

الدنيا بيها العجب تشوف واحد ذهب من صدك بس جربه تلكاه يحل زنجار

لاتأمن لضحكته وكلمت عسل كلمته وتالي يدك دكته وينشر عليك اخبار

لاتقترب للذي تدري صدك يكرهك ولتخلي عمرك خشب يمشي بحلك منشار

صوتكخفي لو تون صدكني محد يحن الخربه الزمن ميصلحه العطار

خل سرك بنص كبد لا تحجي سرك ابد بالك تبيع اسرار

واليدري نفسه خطأ لتكله انت خطئت وتصير مثل الذي يكفر الكفار

خل نار غيضك تظل تضويلك ولاتمد ايد بزعل وتنسى لهيب النار

يجوز هذا الوكت لساعه ماهو الك والناس بيها اشرار

لو عاشك ومنتهي بسطحك انت التهي بس لا تشمر حجار

طوق حبيبك حرص بس لاتلبسه سوار

بسمار حبك تدك تريده يوصل صدك لاتعوج البسمار

لو يوم راح المحب وماظل مجال العتب احتفظ بالي بقى ولا تتلف التذكار

هاي النصائح الك مابيها وحده ترك وبكيفك انت اختار

وبليه كال وكلت الدنيا حظ وبخت والمامشه وي الوكت مايدري شنهو الصار

وقفت بمتصفحك لاقرا ما جاد علينا قلمك
بوح واحساس رائع
تمتعت بقراءة ما سطره قلمك
كن دائما هنا لتروينا من روائع حروفك
مودتي

أنرت حزن العشاق
بعودتك الجميلة أخي معارض
وعطرت الاقسام الادبية
بروعة ما أجاد به أحساسك وقلمك
من نصائح نابعة من القلب
أبدعت يا أخي الغالي
تحياتي لك ولقلمك الراقي
هوبي

معارض نورت من جديد نصائح رائعة وذات معاني راقت لي ابدعت وابهرتنا بتلك الاسطر فطوبى لقلبك وليسعدك الله دوما سأكون بالقرب هدوء وعواصف

أحسنت أخي المعارض
أعجبني ما نثره قلمك هنا
نصائح جميله تسلم الأيادي
غريب

طرحت فابدعت]
]دمت ودام عطائك
ودائما بأنتظار جديدك الشيق
لك خالص أشواقي
سلمت اناملك الذهبيه على ماخطته لنا
اعذب التحايا لك

معارض أخي
نصائح بريشتك
يعني كرامة بلا حدود
شكرا بحجم لطفك
على تلك اللأآلئ المنثورة بحذر
اكاليل الورد وباقات الشكر
من نعومة

عاشت ايديك
كل كلامك صح
تحياتي واحترامي

آهلا بــكم ودوما نســعى

لــآروع ما تخط لنا افكارنا

تحيتي لكم