حبيبي شيعي واني سنية
حبيبيــ شيــعيــ واني سنيــة
حبيته حب مثل الوريد النبض حيل بيه
وعشقني عشق شكد ما وصفته اكول شوية
كتبوا بالحب قصص بس مثل حبنا منجاب طارية
يتلهف الشوفتي مثل عطشان يتلهف المية
واتلهف اللقياه مثل الغركان ونجدته بكشة مرسية
احس بروحه من تتعب ويحس بكل اللي يصير بيه
لو عفته لحظة يحن وببعاده تكتلني الحنية
دمه يجري بعروقي وروحي الروحة فدوه وهدية
ما اثرت بيه كلمة ولا لفتة ولا حلوات الكلية
اني اميرة عرشه والكلب والروح والرية
كلي ما اكدر عالبعد لازم تحددين يوم للجية
اجيب اهلي واجي واعلنها اليوم رسمية
واني طرت من الفرح روحي ردت الليه
وانتظرت يومين وثلاثة وينها الجية ؟؟؟؟
حجيت الامي علي صار سكتت ومعرفت النية
كالت بعدي هذا مو نصيبج يالغالية يالبنية
شبيها امي معجبها حبيبي ليش رافضة القضية ؟
وانتظرته سبوع واسبوعين ماكو وينها الجية ؟
كلي روحي بطريقج عندي سفر ودروب مطوية
كتلة اجي وياك وين متروح يصير العبير يعوف جوريه
كلي احبج احبج وما اشوف بعدج ولا لحظة هنية
كتله السبب؟صار يتلعثم كلي لا بديج ولا بدية
كتله السبب؟كلي العيب مو بيج ولا انتي معنية
كتلة السبب؟نزلت دمعته صار يحجي باعذار ملوية
تذكرت حجاية امي من كالت هو جعفري انتي حنبلية
معقول هذا السبب احنه مو اسلام شلون تفرقنا مذهبية
اهلنا ذبحونا بالحيا واني وياك من هالتخلف ضحية
لا يالغالي احجيها بوضوح السبب انت شيعي واني سنيه !
===
======================
انه سني وحبيبتي شيعيه
حبيتها حب قيس وليلى مو شويه
حب روميو وجولييت صرنه قصه خُرافيه
كل مااكول الها احبج تخجل البنيه
ترد وتكول يا حبيب الروح انه شيعيه
انه على مذهب علي شتسوي بيه ؟
روح ابعد عني شوف لك سنيه
اهلي ما ينطوك تراها صارت مذهبيه
حتى العشك يا ناس صارت بيه تفرقه عنصريه
أذانه الوكت واهل العشك يدرون بهالاذيه
كالت اريد منك دليل ياريت تسمعني ابوذيه
ارد اعرف شكد تحبني وشكد تخاف عليه
كلت والأه تشك الصدر حبنه مو تمثيليه
ولا ابطال اني وانتي نمثل بالعشك مسرحيه
أحبج والي يحب ما يعرف لا مذهب ولا طائفيه
والروح ترخص لج على الموت افديج يا بنيه
ضحكت وردت بضحكتها والضحكه يا ناس مو طبيعيه
ولك اريد اسمع منك برهان حبك ابوذيه
كلت شفت هوايه ناس وعاشرت ميه
بس حبي الج صافي يا عمري ميه بالميه
تعلمت اكتب حروف اسمج من جنت بالاميه
وصرتي هسه بغلات الدنيا عليه
ارد اضلن ناذر روحي الج لمن توافيني المنيه
وخلي يكولون سني وحب له شيعيه
===
راقت لي ذائقتك جداً
فأحببت الرد عليها بهذه الكلمات البسيطه
تحياتي وأحترامي