قصيدة عن الام !!

قصيده عن اغلى مافي الكون هي الام واتمنى تعجبكم




شكد عدها صبر تتحمل اسنين

مسكينه امي شكد تعبت علينه

ومثل صبر الكاع صبر امي

تتفطر عطش ماكالت لحداسكينه

اجاها العوز وحنه حيل زغار

باعت ذهبهه وماكالت لحد انطينه

تركض ركض لو لاحت ايدي الكاع

واديها من التعب جنها سجينه

اباب المدارس بالشمس تنتظرين

تفرحين ودمعج يصب لواحنه نجحينه

وبليل الشته والبرد يكتل حيل

خطيه امي سهرانه ادفي بينه

تجذب بالاكل تكول اشبع بساع

تحرمين نفسج ياطيبه حته تشبعينه

وهسه يمه صرنه حيل اكبار

وانتي مثل اطفال بعدج تفكدينه

يمه ابد ماشايف بشر مثلج

والله يمه انتي شكد حنينه

امي اطيب بشر موجود عالكاع

امي حته الروح لوردنه تفدينه