طريقة عمل الباجة المصلاوية

الباجة

المصلاوية

..

أكلات موصلية ..






عشغ بمبارات دهيني او اكثغ


كغشايتيين صغاغ وشغيدين


أربع غوس ثوم


بصلي مقطعة نيعم


كوبين ونص تمن


نص كيلو لحم مثغوم خشن


غاس خغوف زغيغ


مقيدم خغوف زغيغ


ملح وفلفل اسود وبهارات صحيحة .. قرنفل , هيل


خبز تنوغ


اكلة الباجة صاغت وبالعافية عليكم جميعا


بمبارات عمو مشتاق من مطعم الثلمي .. بالعافية من الموصل الى استراليا
مرحبا يامواصلي والف هلا بيكم وانشالله تكونون متابعين طبخاتنا ... الحمدلله توصلنا تعليقاتكم وكثيغ نفغح بيها والله يزيد المحبين .. اليوم طبختنا نقدما لان كثيغ انطلبت وهي شوي تاخذ وقت بالتحضيغ لكن المغا المعدلي ماكوا شي يصعب عليها ... طبخت اليوم هي الباجة الموصليي بقى شملوا ايديكم يانسوان وخلي نعمل الطبخة وتاكل غجيلكم وبألف عافية ..

المقادير:

عشغ بمبارات .

كغشايتيين صغاغ وشغيدين .

اربع فصوص ثوم.

بصلي مقطعة نيعم.

كوبين ونص تمن .

نص كيلو لحم مثغوم خشن .

غاس خغوف زغيغ .

مقيدم خغوف زغيغ .

ملح وفلفل اسود وبهارات صحيحة .. قرنفل , هيل .

خل وليموندزي وشوية طحين .

خبز تنوغ .

ماي للطبخ حسب الحاجة .

الطريقة :

اول شي لازم تكون البمبارات نظيفي وهاي لها طريقة خاصة – ناخذ قلم ونحطوا بأول البمبار ونقلب البمبار على القلم ونظف بطن البمبار يعني الجهة الخشني وننقعا بملح وخل طول الليل بس مانحط خل كثيغ يعني تقريبا نص كوب – وطبعا الكغشي والشغيدين نفس الشي نغسلا وننقعا مع البمبارات
نغسل المقادم-غجلين الخغوف- والغاس لازم يكون منظف وندقوا ونطلع الوسخ من الخشم ونفغكم بالملح والخل مليح وشوية طحين ونغسلم كثيغ مليح
نحط دست عالناغ ونحمس المقادم والغاس نكسغوا نصين حتى يستوي مليح من نطبخوا وبعد ماانحمست شوية انحط الماي ولازم يكون دافي ونحط البهارات الصحيحة والبصلي نقطعا اربع اقسام ونترك المقيدم والغاس يستوون مليح وماننسى الملح
نغسل البمبارات والكغشي ونفغكا بالطحين شوية وبعدين نغسلا بالماي ونتركا بمصفي يشخل كل الماي

نخلط التمن مع اللحم وندق الثوم ونخلطوا مع الملح والفلفل الاسود ونحطوا فوق خلطتنا ونبدا نحشي
من نحشي البمبارات تقلب وتطلع الجهة الميلسي ومن نحشي لازم نص حشي حتى يستوي التمن واللحم وبعدين التمن ينفش ..

والكغشي نحشيها وبعدين لازم نخيط البمبارات والكغشي حتى مايطلع الحشو ونفس الشي الكغشي نص حشوي حتى يكون اكوا مكان للتمن ينفش ويستوي براحتوا
نقلي شوية بصل وثوم بس يذبل نحط فوقوا دولكة ماي حاغ ونص دولكة من مغقة المقيدم وبس تغلي نحط عليها البمبارات والكغشي وملح وفلفل اسود ونتركا الى ان تستوي
البصل والثوم مع البمبارات يعطي طعم كثيغ طيب وهاي طريقتي انا وانشالله تعجبكم
نجيب صحن كبيغ ونفغد الخبز ونحط فوقوا المغقة والمقيدم والكغشي والغاس واللسين والمخ ونقطع النوم حامض ونعصغ شوية فوق الباجة مالنا ويا عيني عل اللي عندو دبس غمان حامض من الشمال يحطو فوق الثريد
طيب الاكل من صحن ويحد بينوا بركي ولاتنسون الفجل والبصل الابيض وجاي ثقييل بعد الاكل


والف صحة وعافية ...

:hart2:

ذكرتني حنون بشغله
ماما من اتسويها
تخفيها من قدامي
علشان ما احب اكلها
وهي اذواق لا اكثر
بس عاشت ايدك انت على ما قدمت لكل محب لهذه الاكله
وردي

يسسسلموٍـوٍـوٍـوٍ علىاٍـأـأ ع‘ـأـلىا ه‘ـذإإ
الاطباق الجميٍلٍه الرائـعٍ راٍقٍ ليٍ جدأأأ
يعطي‘ـك الٍفٍ ع‘ـأفي‘ـه بنتظأرٍ
المزيٍدٍ منٍ ابدأأعاتٍكٍ بشوٍقٍ
وديٍ قبلٍ رديٍ

•