جـوعـانة السنين ويـوم ياكـل يوم

ذبل ورد المحنة ومات بيه الشوگ
تمنـيـتك گــبل مـو هسة تلگـيـني
جـوعـانة السنين ويـوم ياكـل يوم
عصرن ماي عمري وشربن اسنيني
وجفت وجهي الملامح والفرح مغتاظ
وأجة خـيط الصــبر يم نـار سچـيني
واكل عيني السهر گمت أحلم احلم بيك
ولا طـارش وصـل مـنك يـواسـيـنـي
قـفل بابـه الگـلب لا لا تمـر خطـار
والـموگد طـفى ونـامـت فـناجـيـني
ومشيت بلاية خطوة وگاعي تنضح خوف
وعـثـرت بـذكـريـاتـك باقـية بـطيـني
چنت مثل السطح مكشوف كلي وياك
ظـنيــتـك سـمـة وتـفــهـم مضـامـيـني