ديوان أحمد البصري

سؤال النفس

وسألت نفسي حائراً

أنا مَن أكون

مالي عشقت السير في طرق الظنون

فإذا جنوني

صار بعض تعقلي

وإذا بأفكاري يغلقها الجنون

مابال الناس صاروا أبحراً

يخفون تحت الحب

حقد الحاقدين

يتقابلون بأذرع مفتوحة

والكره فيهم

قد أطل من العيون

ياليت بين يدي مرآة

ترى ما في قلوب الناس

من أمر دفين

بيني وبين سعادتي

بحر عميق

والناس حالوا بين قلبي والطريق

فلِكم أُعالجهم

وبي سقم الضنا

ولِكم أنجيهم وكنت أنا الغريق

يارب إن ضاقت الناس

عما فيا من خير

فأن عفوك لايضيق

8/5/2011

بهجة العين

يا بهجة العين

عيني مشتهية الفرح
شوكت ترجعين
للمحب شوكه طفح
من يوم الرحتي
والهموم أكثار
وكل الليالي
مامرهن صبح
وبستاني يشكي
فقد سوسنته
والطير ماغرد بيه وصدح
كنتي الأمان لو مرني القلق
وكنتي الضحكة لوحزني طفح
ياقرة العين والفركة
تهد الحيل
تعالي تعالي
مو قلبي أنذبح

4/5/2011

الرحيل

لو إننا لم نفترق......لبقيت بين يديك

لعبة طفلٌ عابثاً
وتركت عمري.....في لهيبك يحترق
لا تسأل الدمع لمن يندفق
ولا تسأل الطير الشريد.....عن أسباب رحيله
وجنحهُ المتعب مع الريح يستبق
رغم إختياري الرحيل
ورغم ما تمزق القلب في حبك
وقسوة الأيام مع قلبك
باقي أمل الحب اليتيم في الرأس ساكناً
أنا ياحبيبة..كل أيامي..قتيلك في الهوى
وكنت أعانق في الظلام
وحدي وسادتي ودموعي الحزينة
والنوم من عيني منسرق
والنفس منكسرة من الحسرات...والقلب يسطفق
هذه النهاية أبداً لم تكن
لنا
هذه النهاية قمة المأساة
ما كنت أعرف يوم أخترت الرحيل
إني ودعت مهجتي وحياتي
وبدأ العمر مني ينسرق

26/4/2011

السهر والهم

السهر والهم وحروف القصايد

هنه الوسيلة

لو سرح بيك الخيال

ومن أضحك شو تزيد الدموع

ولو نسيت

ينادي الكلب يَحبَيب تعال

وإذا نمت أنام فوك الجروح

ومن أكعد

أشوف الشوفة صارت محال

الدروب كلش بعيدة

وتاهت الخطوة

والمشاعر كاتلها ذاك السؤال

هم صحيح اللي راح يرجع بعد

وهم يرجع

ذاك الحب والوصال

ولو صحيح الحب

بي سادة وعبيد

أنته سيدي

وكل عمامي والخوال

أنته ألي

أقرب من حبل الوريد

هاك كل حياتي

ألك فدوة حلال

السهر والهم وحروف القصايد

خليهم للي

عشك وهم وخيال



8/5/2011

الشعر الملمع

تعاظم في مقلتي العذاب وجف حنيني

والكَلب ذايب وزايد فد نوبه ونيني

والشوق في الروح غدا يضطرب لهباً

وينك يابعد أرويحتي وفرحة أسنيني

مابقى إلا طيف يمرني في ليلة وأخرى

ليش لوحدي ياضوه العين أمخليني

وأنا بذلت لك كل نفيس وغالياً

وأنته بشوفتك باخل على عيني

ورؤيتك كانت الدواء وطبيب علتي

يرضيك أموتن لوبشوفتك ترجع تداويني

أين عهود الهوى يامَن خالف عهدهُ

موش أنته أللي كَلت للموت ماتنسيني

وأنت الذي أقسمت لي بالهوى

كل عمرك لوردت برهاوة راي تنطيني

وها أنا اليوم وجرح النوى

نوبه يبجي عليه ونوبه يبجيني

تساقطت كل قصائدي بك حباً

وضميتك بعيني وصرت أحلى دواويني

فألحق على محب فاض صبرهُ

تردلي الروح لو أنخه الموت من بعدك يجيني

ظمآن القلب إلى رؤية محاسنك

جا يمته بحلات الوجه ياكل العمر ترويني

18/5/2011

رسالة إلى ,,,,,,,,,
جئتُ من حيث أنتهيت

وحسبت بك إبتديت

ذكرتك ولنفسي نسيت

لماذا هذا الجحود

جئتُ حامل أنيني

وجرح اكبر من سنيني

قد حار بك يقيني

حقود أم ودود

ما طلبت جاه وسيادة

غير منك الود إرادة

وأسرق من حزني سعادة

لكن أبيت أن تجود

ما كنت من الكاذبين

تالله وسيد المرسلين

بقسمي لا أرجو منك لين

لتعرف إني صادق العهود

هل أستحق منك العناد

وما بقلبي لك غير الوداد

إن أردت مني البعاد

قُل أذهب ولن أعود



12/5/2011

حرز حبيبي

علكَتك على صدري

حرز للموت

أعوذن بيك

لو راد الضيم يدناني

لأن أنته الفرحة

والضحكة اللي بشفافي

ماتت وندفنت

وياك كل أحزاني

ياصوغة دنيتي

ألما أملها بيوم

يا أسمي وكياني

يالصرت عنواني

مسودن وتسودنت بحبك

لاتتعجب من أموتن

لوفكرت فد يوم تنساني

طركاعة ومصيبة

الجمال البيك

والعسل اللي بشفافك

ختم رباني

وعيونك بحر

كلش غميج ماينفاج

وخدودك ورد

لو تفاح لبناني

وبصدرك شهد أصلي

ما مغشوش

وعجبة الشهد

لو صار رماني

أحبسني حبيبي عمر

بين النهدين

شكبر بختي

لوصارن سجني وسجاني

نومني على أيدك

وأحسبها دين

ولوردت دينك

أكطعلك ذرعاني

أحبك كلش قديمة

صارت ما تنكَال

يالحبك برعم أمل

ويكبر بوجداني

كبر حبك

وصار بكد كبر الكون

وصرت أمير بدنيتي

وبالعشك سلطاني

أحبك ومستحيل الكَلب

فد يوم ينساك

ولو نسيت أكيد

تحت التراب نايم بأجفاني

2/6/2011

بحر عينيك

أبحرت في عينيك

في غمراتها
منتظر الوصول
إلى مرسى شفتيك
لأرسو بهما وأفرغ ما بحوزتي
من إشتياق وظمآ
ويسجد خدي خشوعاً
على محراب صدرك
ويمعن النظر في قبابه المرجانيتين
ويقبل فوقهما اللؤلؤتين
ويسلك الوادي الذي بينهما
ليستنشق الحياة كل الحياة
بوادي من حرير
بين جبلين ثلجيين
شامخات بفخر
كالذي بين اللصوص نزيها
ذو أعناب ورمان
إذا أشتعلت النار يطفيها
وأدخل مدن فمك
وشفتاك الزهرتين
وعسلهما المكدس بين الشدقين
وتنطبق شفتاي على شفتاك
كأصطدام في السماء سحابتين
ويختطف أعيُننا بريقهما
وتمطر ماذا تمطر
سيلاً يكتسح كل الجمود
يخرج الأفراح الميتة من اللحود
وتعلن نفسي إعتناقها الوجود
وتبدأ حياتي
من وسط شفتيك

27/5/2011

جرح القلب

بيش أداويك ياكَلب

وكلش غميج الجرح

أداويك بعد بجرح

لو أذب على جرحك

حفنة ملح

حتى تجوز من العشك

مابعد عليه تلح

شو كلها زعلانة منك

حتى وي روحك

تدور صلح

الداريته مثل الغصن

وسكَيته طول العمر

وردته لسنينك ربح

تاليها كل تعبك نكر

وخَضَر بصدرك رمح

ياكَلبي أخذها عبرة ودرس

لا تبني على وهمك صرح

ينهدم شما طال الوكت

وبظله على راسك يشح

صارت كل أراضيك قهر

وهمومك هنه الفلح

تحرث وتبذر وفه

تاليها تحصد جرح

19/5/2011

ممنون منك

ممنونة منك الدمعة

لو ما جرحك
مانزلت على الخدين
وممنونة منك العبرة
لو ما أنته
ماشافت بجي العين
وممنونة منك الضحكة
بوجودك
ما طلعت على الشفتين
يالجنت أشوفك شمس
ماتوصلها كل الناس
وسفة طلعت رمل
بكل رجل تنداس
وجنت أحسك فرح
يداعب كل إحساس
وهسه صرتلي جرح
بالكلب ماينقاس
ممنوووووون كلي إلك
يالشلتك بعيني
بين الحسرة والندم
أرحل وخليني

15/4/2011