كلي شاعر كتله شاعر كلي فد ومضه جديده
كتله احبك صفكالي كلي هذا البيت عيده
كلي شاعر كلته كاتب خواطركلي فد خاطره جديده
كتله حبنه صادف مثل هذا اليوم عيده
كلي شاعر كتله كاتب قصيده كلي انطيني عنوان القصيد
كتله انته عيد كلبي وأفرح لو يهل هلال عيده
كلي شاعر كتله كاتب نثر كلي سمعني مقطوعه جديده
كتله خليني مرتاح بهواك وحجي الزعل لا تعيده
كلي كمل حبيبي كتله حبك ما ينوصف
لا بشعر ولا بخاطره والقصيده بحبك بعيده
كلي هذا كله علا مودي كتله اشايف انته
هذا جزء من ابيات القيده راح اضل حبك يوميه اعيده
كلي احبك كتله حبك خلاني افكر بل شعر
وارتجل احلى ابيات القصيده احسها مو بعيده
كلي احبك كتله مفكر كل ما تكلي احبك
اكتبلك خاطره جديده مال اعوفك سالفه بعيده
كلي حبي انته كتله لا تغازلني لا اتخربط
واخربط ابيات القصيده كتله حبك اكرر بي واعيده
كلي كافي خجلتني كتله هاي بس كتابه
شحال لو مره تجي تسمع بـ لساني أداء القصيده