نصائح لجمال شعرك

صباح / مساء
الخير

شخباركم يا بنوتااات يا حلوات

بقولكم عن عشبه، صار لي استخدمها سنه تقريبا أو أكثر، كنت راح أكتب عنها من زمان بس قلت بتأكد منها، عشان ما أوهقكم معاي..
العشبه هي ( السنبله) تلقينها عند العطار، اطلبيه يطحنها لك، لونها رمادي..
تستخدمينها مع زيت الزيتون..
أنا عن نفسي أخذت علبه و صبيت فيها زيت الزيتون و حطيت عليها خمس ملاعق من عشبة السنبله، و في الأسبوع أحط مرتين من الزيت على شعري، و اخليه من نص ساعه لساعه و بعدين أغسله..
بصراحه يا بنات أنا صرت أستخدم الزيت ولا أنتظر مفعوله، و بالصدفه تقابلت أنا و صاحبتي و قالت لي شعرك متغير وش سويتي فيه، و بعدين قلت مافيه إلا السنبله..
والله يا بنات شعري طال صار كثيف و صارت فيه لمعه حت أختي تحسدني عليه لأنها ما استخدمت الزيت معاي..
الحين ما استخدم الزيت إلا في الشهر مره تقريبا، ولا تغير شعري و لاشي..
كل سته شهور أقص أطرافه عشان التقصف و تحديد الأطراف مهم لصحة الشعر
و سلامتك


بس حبيت افيدكم ، و نصيحه يا بنات، المايونيز و العسل و بياض البيض مضر بالشعر، و اذا عجبتك نتيجته فهي مؤقته..
ابتعدوا عن هالخلطات، و خلوكم على زيت الزيتون و زيت التارجيل زيت الخروع لأنه مطول للشعر و الحنا، طبعا لا تستخدمون كذا نوع من الزيوت، خلوكم على نوع واحد و خلاص، و لا تنتظرون النتيجه، لأن النتيجه اذا بينت معاك ع طول تأكدي انها مؤقته..

منقول

سلمت يدآك..
على جميل طرحك وحسن ذآئقتك
يعطيك ربي ألف عافيه
بإنتظار جديدك بكل شوق.
..}~ مودتي

عيوني انتي
كل الشكر لك على تواجدك الجميل وردك الرائع
اسعدني جدا مرورك .. ربي يعافيك ويسعدك
دمت بالف خير ..